Monday, 28 July 2014
Juan David satisfecho di presentacion di Aruba den reunionnan parlamentario di Reino Print E-mail
Wednesday, 13 March 2013 08:55
DSC_2063
Juan David Yrausquin di AVP durante e conferencia di prensa semanal a comenta riba e reunionnan na Hulanda. E parlamentario a splica cu e reunionnan a desaroya den un ambiente hopi positivo.

E preparacion y presentacion cu e parlamentarionan di Aruba cu a hiba palabra a haci tabata hopi bon. Riba e tema di energia Donny Rasmijn a bin cu diferente punto bon prepara y a logra palabracionnan concreto. Den e parti di ensejanza parlamentarionan Marisol Lopez Tromp y Marlon Sneek a trece e tema di hubentud y nan no a traha pa Aruba so pero tambe hunto cu Curacao, Sin Maarten y Hulanda.

Riba e tema di transporte entre e islanan den Caribe y Reino Hulandes colega Bikker a haci un presentacion positivo, mescos pa salud publico cu a ser prepara y presenta pa e coleganan Mervin Ras y Lorna Varlack. Juan David a sinti orguyoso cu e remarca tambe a ser haci pa e demas paisnan di Reino y nan a comenta con bon e reunionnan a resulta.

Juan David mes a papia tocante e mocion cu e hunto cu su colega Herde a presenta 3 anja pasa y cu a ser aproba, pero ainda no a wordo ehecuta. Nan a bolbe follow up esaki cu ta trata di lanta un instancia independiente pa interpreta e statuut ora tin diferencia di opinion entre e partinan di Reino, envez cu un di e partinan aki so por interpreta y tuma decision pa e cuatro paisnan. E cuatro partinan di Reino a bay di acuerdo cu mester ehecuta e mocion cu a keda aproba 3 anja pasa pasobra Hulanda ta un estado di derecho y mester cumpli cu palabracionnan haci. A pidi pa e gobiernonan ehecuta e mocion mas pronto posible y prome cu december proximo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter