Monday, 29 December 2014
Parlamentario Wyatt Ras kier sigui den politica pero no a tuma un decision ainda con Print E-mail
Wednesday, 13 March 2013 19:56
Comparti

Mervin Ras

Den un combersacion cu Parlamentario independiente drs. Mervin Wyatt Ras, el a duna di conoce bisa kico ta bay ta su futuro politico, no ta algo facil. Mas si mira cu den forma direpente, djis pa para pa su pensamento (igual cu loke a pasa cu su colega drs. Marisol Lopez Tromp), nan a wordo saca for di e partido den cual nan a milita pa hopi aña.

E sucedido caba ta pone cu ora e mira rond pa dicidi kico e lo bay haci den futuro, e mester mira hopi bon unda e ta bay. Loke e tin bon cla ta cu e kier sigui den arena politico, ya cu e ta algo e ta sinti cu e por yuda. Mas ainda si e mira e apoyo cu e ta ricibi for di esnan rond di dje. Ainda e ta combersando cu personanan cu ta importante p’e y den su carera politico, pa scucha nan pensamento y consehonan di kico lo bon pa e haci. Inclusive durante su participacion den reunion di Parlamentonan di Reino, el a combersa cu diferente politico, como cu nan ta na un distancia di e arenan politico local, pa sondea nan pensamento. Tur e sugerencia y consehonan cu el a ricibi, “lo guiami pa tuma un decision”. Pero loke e parlamentario por bisa for di awor cu siguransa ta cu e lo traha pa esnan cu tin necesidad, pa esnan cu ta den situacion vulnerabel y cu mester di atencion pa nan problemanan social. “Pues pa nan haya un bida di calidad. Esey lo guiami pa evalua unda mi por bay pa duna mi contribucion. ... Tur hende cu conocemi sa cu unda mi bay. Lo mi haci mi trabou dedica, pasobra mi ta kere den hende, den nos hubentud,” drs. Mervin Wyatt Ras a indica. Y a agrega cu enfasis cu tur hende mester haya chens igual, manera e mes cu ta bini di un famia humilde y a logra crece. Loke el a bisa tambe ta cu e partido cu el a kere cu ta para pa e mesun idealnan cune, a defraude y tur esnan cu a kere den e idealismo aki. “E ideologia social democrata a bira un simpel palabra pa e partido ey, pero mi ta kere cu nos Tata lo guiami den e decision pa sigui traha pa e pueblo di Aruba.” E ta admiti cu el a wordo aserca door di diferente partido y e ta den fase ainda di ta orienta su mes den loke tur e partidonan a bisa cu nan ta para p’e. El a indica cu door cu ta trata di diferencia partido, ta loke ta haci cu e ta tumando mas tempo pa e refleha y yega na e decision final di kico e lo bay haci. Den e proximo dos lunanan sigur mester yega na un decision final mirando cu eleccion ta na september y mester cuminsa campaña di antemano. Aunke e por bisa cu ya caba e ta bishitando pueblo, loke semper e ta haci durante periodonan di aña cu no ta den campaña. E Parlamentario por bisa cu e ta contento y gradicido toch cu e ta hayando reaccion di personanan, hasta esnan cu ta yame pa bise cu unda cu e bay nan lo ta cune. “Esaki ta yenami di emocion pasobra e ta demostra cu mi trabou no tabata pornada. E pueblo ta wak kico bo ta haci y ta aprecia. Nan no ta lagabo cay djis pasobra mi no tin un partido,” e Parlamentario a duna di conoce. Y esaki ta e forsa cu e mester pa ora e tuma e decision, e sa cu e tin sosten di e puueblo.

Comentarionan (4)Add Comment
Curashi
March 15, 2013
201.229.72.218
Votes: +0
...

"e lo traha pa esnan cu tin necesidad, pa esnan cu ta den situacion vulnerabel y cu mester di atencion pa nan problemanan social. “Pues pa nan haya un bida di calidad". Masha facil ta un match tin pa bo bon intencion partido RED un partido actualisa cu tin e pueblo na pecho cu hecho.

!!!BERDAD!!!
March 14, 2013
201.229.18.105
Votes: +1
...

Ta votadornan di Clarisca Velasquez lo vota pe ariba e lista berde, ya cu su votadornan di MEP no ta vota pa un traidor di e Lucha di Betico!

zakazulo
March 14, 2013
201.229.72.39
Votes: +1
...

Ki dia bo ta stop di jora, ningun hende no por juda cu bo a laga Marisol uzabo. Awo cu bo a ripara cu nunca bo no a saka bo mes, cu semper ta cu cabei boto bo ta den parlamento, awo bo kier jora.

ban serio
March 14, 2013
201.229.30.83
Votes: +13
...

Ja bo number ta cla caba riba lista berde y Marisol pa lista corra

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter