Friday, 31 October 2014
Rene Herde' for di Hulanda: E imagen di Aruba na Hulanda ta di un pais Cu un desaroyo y perspectiva impresinante Print E-mail
Thursday, 14 March 2013 08:36
DSC_2063
E miembronan di parlamento di MEP a bolbe Aruba ta gaba di nan biahe pa Hulanda. Segun e lider di MEP nan "mision" pa Hulanda a wordo cumpli: nan lo a logra parti nan documento riba maneho financiero di nos pais, pa purba convence lidernan politico aki na Hulanda cu cos lo ta bay malo na Aruba.

Pero apesar di e esfuersonan aki di MEP, e imagen di nos pais serca politiconan Hulandes a keda un imagen di un pais cu un desaroyo cu ta refleha curashi mei mei di un crisis mundial cu no tin fin; un pais cu un desaroyo amplio riba hopi tereno y cu ta un ehempel pa hopi otro pais rond di mundo. Esaki no ta mi palabranan, pero e impresion cu mas Bo ta tende aki na Hulanda!

E lidernan di MEP a purba pinta un situacion financiero malisimo di Aruba, pero a lubida di menciona cu awor aki ta pagando debenan grandi haci den gobernacion di MEP. E lidernan di MEP a lubida di menciona e desaroyo economico impresionante di un promedio di crecemento di 5% promedio anual. Nan a lubida di mustra riba un crecemente di turismo nunca bisto. Nan no a menciona e inversionnan den infrastructura pa largo plazo cu no solamente a crea trabou pa centenares di hende, pero cu ta fortifica nos economia y crea oportunidadnan economico nobo awor y den futuro. Nan no a ni menciona e inversionnan den mehoracion di barionan, scolnan y den forsa di compra di esnan cu mas tin mester didje.

Cu e critica selectivo di MEP, e descripcion concientemente incompleto di e desaroyonan na Aruba y e falta di un propio maneho, e lidernan di MEP a haci mas daño nan nan propio imagen y credibilidad, cu na Aruba of na gobierno di Aruba. MEP ta sigui haci e eror di kere cu politiconan na Hulanda no sa kico ta sosode na Aruba. Nan ta sigui kere cu si nan pinta un situacion financiero malo, cu e situacion economico, social, e desaroyo a corto y largo plazo ta wordo lubida. Den palabranan di algun politico Hulandes: "Poco pais tin un perspectiva pa futuro, a corto y largo plazo, asina bon manera Aruba". Esey ta e realidad cu e lidernan di MEP no kier wak y a kere cu nan por a malinforma hende aki na Hulanda didje. Cu e presentacion inprofesional y superficial di MEP na Hulanda, e diferencia entre MEP y AVP a bira mas cla cu nunca antes! Na Aruba y na Hulanda! E imagen di Aruba ta basa riba e realidad di e desaroyo na Aruba mess y no riba un storia selectivo di politiconan cu ta causa danyo na Aruba pa saca probecho politico partidista.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter