Friday, 24 October 2014
Minister Michelle Hooyboer-Winklaar ta observa e dia aki cu hopi satisfaccion Print E-mail
Thursday, 14 March 2013 15:55
DSC_2063
Riba dia 15 di maart 1962 ex presidente Mericano John F. Kennedy a duna un discurso riba derecho di consumidor cu a hiba na e creacion di e ley Mericano di derecho di consumidor.

Activista di Derecho di Consumidor, Anwar Fazal, a propone despues pa observa e fecha aki como Dia Mundial di Derecho di Consumidor. E aña aki e tema internacional pa Dia Mundial di Consumido ta: “Husticia pa Consumidor Awo!”

Minister Michelle Hooyboer-Winklaar ta observa e tema aki cu hopi satisfaccion refleccionando riba tur e trabao haci desde inicio di gobernacion di Gabinete Eman. Pues, no obstante e balor economico grandi di e consumidor, esaki apenas a haya su atencion debido desde inicio di gobernacion di Gabinete Eman cu a fiha como meta pa entre otro crea un economia fuerte y sostenibel.

Un economia fuerte, sostenibel, innovativo y competitivo cu ta genera hopi produccion, entrada financiero halto y cupo di labor pa tur cu ta biba na Aruba ta rekeri un esfuerso maximo di tur hende, incluyendo Pueblo, sector priva y Gobierno.

Gobierno di su banda desde inicio di gobernacion di Gabinete Eman ta trahando duro pa pone e hermentnan necesario pa logra un economia competitivo cu ta atractivo pa tur sorto di negoshi, esta negoshi chikito, mediano y grandi. Ta di suma importancia pa nos economia por brinda oportunidadnan igual di crecemento pa tur negoshi cu kier y ta participa di un manera husto riba cualkier mercado pa asina genera ganashi y trabao.

Un di e hermentnan cardinal pa stimula actividad economico ta entre otro pa fomenta programanan y introduci leynan cu ta crea y duna forsa na consumidornan inteligente y critico. E consumidor ta un grupo economico grandi cu tin un poder di compra cu por yuda stimula nos economia y por lo tanto ta di sumo balor economico.

Den cuadro di e obhetivo aki Minister Michelle Hooyboer-Winklaar a reorganisa y fortifica Dienst Huur- en Consumentenzaken cu extra personal y tambe a pone fondonan disponibel pa un campaña di conscientisacion pa informa Pueblo di leynan existente atraves di entre otro website, aviso den corant, revista, foyeto y posters. Por medio di e iniciativa aki Dienst Huur- en Consumentenzaken desde aña 2012 por a brinda un servicio di proteccion na consumidor mas eficiente y completo den cual entre otro a cuminsa atende casonan individual di consumidornan.

E trabaonan di Minister Michelle Hooyboer-Winklaar a duna resultadonan positivo y na 2012 Dienst Huur- en Consumentenzaken a registra un total di 32 caso, manera ilustra den e tabel akibao.

 

Kehonan di Consumidornan 2012

Intermediacion

19

Informacion general

9

Irregularidad riba mercado

4

Na 2013 te cu 11 maart 2013 Dienst Huur- en Consumentenzaken a atende un total di 28 caso caba.

Un otro aspecto innovativo cu a sali di e modernisacion di e servicio di Dienst Huur- en Consumentenzaken tabata pa continuamente haci investigacionnan riba mercado pa asina sigui desaroyonan crucial pa e consumidor. Na 2012 Dienst Huur- en Consumentenzaken a ehecuta un investigacion riba e posicion di e consumidor riba mercado, anto e resultadonan a indica entre otro cu casi mita di e encuestadonan no conoce nos ley di proteccion di consumidor. E resultadonan ta ilustra den e tabel akibao. Na 2013 Dienst Huur- en Consumentenzaken lo haci un investigacion riba e aplicacion di garantia door di negoshinan.

 

Resultado di Investigacion 2012 Posicion di Consumidor

Na altura di ley di proteccion di consumidor

52.5%

A yega di haci un keho den un tienda

54.5%

Conoce of a yega di tende di Dienst Huur- en Consumentenzaken

36.6%

Conoce of a yega di tende di Fundacion CAS

53.1%

Conoce of a yega di tende di Huurcommissie

76.8%

Ademas di esaki Minister Michelle Hooyboer-Winklaar a inicia un proyecto di proteccion di consumidor hunto cu otro departamentonan di Gobierno manera Directie Wetgeving, Directie Economische Zaken, Dienst Huur- en Consumentenzaken y tambe cu ATIA di sector priva. Obhetivo di e proyecto aki tabata pa di un forma integral analysa e situacion di e consumidor y crea solucionnan practico pa e consumidor por yega na su derecho.

A base di e resultado di e proyecto aki, Minister Michelle Hooyboer-Winklaar a inicia trabaonan pa lanta un “Geschillencommissie”. E comision aki ta un organo special cu lo yuda resolve disputa of keho di un consumidor di un forma relativamente liher, barata y simpel. E comision aki lo ta un medio accesibel pa e consumidor por yega na su derecho y e negoshi cu respeta e decisionnan di e comision ta crea un bon nomber pa su mes. E trabaonan pa lanta e “geschillencommissie” ta extenso y ta rekeri entre otro un proyecto di ley. E trabaonan pa e proyecto di ley aki ta andando.

Minister Michelle Hooyboer-Winklaar ta boga pa tur consumidor bira mas critico y exigi nan derecho den tienda. Tambe minister Michelle Hooyboer-Winklaar ta boga pa tur negoshi cumpli cu nos leynan di proteccion di consumidor.

Por ultimo Minister Michelle Hooyboer-Winklaar ta invita tur consumidor pa acudi na Dienst Huur- en Consumentenzaken pa mas informacion riba leynan cu ta trata derecho di consumidor, haci un keho of registra un abuso contra consumidor na Wayaca 33, tel: 5829914 of riba website: www.dhc.aw.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter