Monday, 20 October 2014
Minister Dr. Richard Visser a palabra cu SVb: Lo intensiva comunicacion entre SVb y pensionadonan na Hulanda Print E-mail
Thursday, 14 March 2013 20:06

visser svb

 

E siman aki pensionadonan cu un pensioen di SVb pero bibando na Hulanda a haya nan mes confronta cu nan pensioen no a drenta na e fecha di custumber. En bista di e preocupacionnan cu a keda expresa pa pensionadonan, Minister Dr. Richard Visser a considera necesario pa reuni cu banco di seguro social, SVb, pa atende e asunto.

Durante un reunion diahuebs mainta cu e director y diferente hefenan di e departamentonan concerni di SVb, Minister Dr. Richard Visser a repasa e preocupacionnan cu ela ricibi. Di parti di SVb, Minister Visser a keda informa cu e situacion cu a presenta ta debi na un fayo den e sistema di pago di ING bank, cual SVb a keda encontra cun'e. Minister Visser hunto cu SVb a repasa e diferente areanan unda por trece mehoracion, principalmente pa e parti di comunicacion. E minister a palabra cu SVb cu lo bay intensiva y reenforsa e comunicacion entre e institucion y su clientenan na Hulanda y su partner principal, esta Arubahuis. Pa loke ta e organisacion interno, a keda palabra cu lo reenforsa e proceduranan interno pa asina detecta posibel fayonan tecnico mas trempan. Pa loke ta e relacion cu cliente, a palabra entre otro, cu SVb lo informa su clientenan na Hulanda tocante e fecha limite pa paga pensioen na Hulanda, cual ta dia 10 di cada luna. Den caso cu drukte riba e departamento di finansas permiti, lo por paga prome, pero no mas laat cu dia 10 di cada luna. Ademas, Minister Visser a palabra cu SVb mediante un carta lo informa tur pensionado na Hulanda di e number di central di telefoon di e departamento di Pensioen y e paginanan di media social, cualnan SVb ta maneha. Tur esaki pa agalisa e comunicacion directo entre SVb y su clientenan na Hulanda. Minister Dr. Richard Visser ta considera tambe cu Arubahuis, como partner principal di SVb, lo mester keda involucra mas tempran den e proceso di informacion, pa asina di nan banda nan por brinda un bon servicio na clientenan di SVb. A haci palabracionnan tambe alrespecto. Na final Minister Visser a expresa su deseo pa SVb den futuro organisa sesionnan di informacion pa pensionadonan di SVb na Hulanda, den cooperacion cu Arubahuis. Esaki cu e meta di mantene e pensionadonan informa di desaroyonan relaciona cu e pensioen di SVb. E mandatario ta satisfecho cu e resultado di e reunion cu SVb y ta convenci cu e palabracionnan haci lo evita situacionnan manera a presenta e siman aki.

Comentarionan (1)Add Comment
Save your nonsense
March 15, 2013
201.229.18.155
Votes: +1
...

Minister van Volksgezondheid en Sport?of.....????

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter