| Evelyn Wever-Croes: MEP ta creciendo |
 |
 |
| Friday, 15 March 2013 08:54 |
 Lider di MEP Evelyn Wever-Croes e siman aki a comenta cu e ta mira y e ta sinti cu MEP ta creciendo. "Mi por nota un entusiasmo y dinamismo grandi den nos MEPistanan, pero tambe den esnan cu no a manifesta nan mes cu nos partido den pasado.
Mi mes no a spera cu e noticia di lansamento di nos candidatonan nobo lo a wordo asina bon ricibi, y mi ta sumamente agradesido pa e recepcion aki. E benta di nos rifa di auto tambe ta bayendo mucho miho cu nos mes a spera, y te hasta nos mester a print mas buki awor. E rifa ta hunga diasomingo awor, 17 maart, durante nos actividad grandi na Santa Cruz. E evento aki ta cuminsa ya di 11 or di mainta cu bendemento di cuminda y artesania. Tin entretenimento musical henter dia, cu bandanan masha popular. 7 or anochi nos ta presenta 5 candidato nobo cu lo figura riba nos lista. Mas o menos 10 or e rifa lo hunga, di un auto Hyundai EON 2013, y ticket ta costa apenas 5 florin. Percura pa bo ta presente e momento ey pasobra si bo tey presente ora e number sali, bo ta haya un bonus di 2 mil florin. E premionan aki ta hopi atractivo, y pesey e benta di ticket ta bai asina bon. Ainda tin algun ticket disponible y diadomingo durante e evento tambe lo bende e ultimo ticketnan. Unda cu mi bai, mi ta sinti cu e recepcion di partido MEP ta creciendo, cu mas y mas hende ta uni na nos partido, y cu nos lo bira e partido mas grandi na Aruba den e sigiente eleccion". segun lider di MEP Evelyn Wever-Croes.
Comentarionan (9)Mustra/Kita comentarionan ...
Crece den cantidad no ta nifica crece den calidad. Tuma candidato bjieuw bek riba lista no ta hasibo crece, tuma un fracaso como polis y como sindicalista tampoko ta hasi bo crece. No ta boka grandi di candidatonan ta conta. Ta contenido den nan declarashon ta conta. Mep ta creciendo den cantidad pero no den calidad. Unico persona cu te dia di awe por "pasa" den mep ta Xiomara Maduro, pa colmo ela sali for di cuna di AVP pasobra su mayornan semper a sostenen AVP. Por bien ta cu ta pa e motibo aki Xiomara ta e unico cu tin algo di contenido. Por lo demas, mi no ta mira nada di calidad den MEP. Jammer.
,
March 15, 2013
...
Mi ta sigur cu e partido ta creciendo,,,,,
Hende morto den graf tambe nan kabey ta sigui krese,,,,,,,dus tur kos ta posibel.
,
March 15, 2013
...
Sonjar No questa nada e partido mas grandi di Aruba?? Cuidow cu Andin cu Marisol no pasa boso!!!
,
March 15, 2013
...
Hahahahahahahahaha.....Esaki si ta un bon. Mi twt tin hopi dia sin hari y e artic*lo aki si a ponemi hari. esaki ta un bon ehempel cu e Mepista nan ta bisti bril di palo!! "e partido mas grandi na Aruba den e siguente eleccion!!! hahahahahahaha. Jammer cu e twt ausente na e reunion na Angoshi siman pasa. paso eynan e por a wak di berdad kiko kiermen e partido mas grandi di aruba!! ora e berdad dale mi kier wak su cara, mescos di Nel 4 anja pasa
,
March 15, 2013
...
Ban wak si tur e coordinador nan lo sigui saka nan gal riba Mep. Ja cu AVP tin hende nan ta mnitor tur caminda unda Mep ta pa kleineer nan. No worry biaha pasa AVP a gana elecshon cu hopi promesa, pero awor ta otra gai ta canta. Mep tey y ni kiko AVP hasi e nucleo di Mep hamas nan por cune!!
,
March 15, 2013
...
EWC ta kere cu asina e por gana e elecshon di 2013,wel senjora WC bo ta den denial keto bai. E gobierno aki di ME ta bai gana atrobe ni ki bo hasi, djis dobla warda te Dios sa ki anya, hahahahaha!!!!!
,
March 15, 2013
...
MEP por scoor riba hopi fracaso di AVP pero nan tin di hunge bon sino nan por faja pero mi ta kere cu te ainda AVP por gana paso nan ta haciendo un bon trabow /Mester tin mas politica contra e estranjero nan y nan abusamento riba Aruba si un partido cu durf haci esaki e partido ei ta gana paso hopi Arubiano ta harta di e estranjero nan mescos cu hopi otro pais den mundo...laga nos wak kwa gott balls pa haci esaki...MEP of AVP ?
,
March 16, 2013
Duna Comentario y/of Comparti riba Social Medi |
Mustra/Kita e formulario di comentario
