Saturday, 25 October 2014
Minister Visser: Aruba ta organisa seminario di nefrologia cu expertonan mundial Print E-mail
Friday, 15 March 2013 10:48
DSC_2063
Awe, diabierna dia 15 di maart, Aruba lo ta cede di un seminario sumamente importante pa e futuro di e tratamento di pashentnan di riñon na nos isla. E seminario a wordo organisa pa e tres nefrologonan di Aruba, kende ta trahando cu Dr. Horacio O. Oduber Hospital y IMSAN.

Expertonan mundial di Mayo Clinic, Harvard Medical Center, Mexico y Mississippi Medical Clinic, como tambe di Corsou lo presenta lo ultimo, o sea "state of the art" den deteccion, prevencion y tratamento di malesa di riñon pa tur persona envolvi den tratamento di pashent di riñon. Mas di cien persona tabata registra pa participa na e seminario.

Problemanan di riñon ta wordo causa principalmente pa diabetes y hipertension y e cantidad di pashent na Aruba cu a yega y ta yegando e estado critico cu nan mester tuma dialisis ta alarmante, dr. Richard Visser, Minister di Salubridad y Deporte ta splica. E seminario di nefrologia ta dirigi specialmente na "upgrade e conocemento medico y combina esfuersonan pa purba combati e problema cu nos tin cu malesanan cronico no contagioso manera diabetes y hipertension, cual ta e causanan principal di problema di riñon na Aruba y den nos region," Minister Visser a añadi. Obesidad, como contribuyente na diabetes y hipertension, tambe pues ta hunga un rol como un di e causantenan, Nefrologo dr. Agustin Garcia a splica.

Director di IMSAN, dr. Joel Rajnherc a splica cu Aruba tin mas di 145 pashent di dialisis, kende ta wordo trata na e centronan di dialisis na Hospitaal y na Oranjestad. E centro na Oranjestad lo wordo muda pa IMSAN, unda cu lo modernisa y expande e facilidadnan pa inclui esaki den e carrousel di diabetes existente, Minister Visser a expresa. Na IMSAN, ademas di e carrousel di diabetes y e "urgent care center" existente, tambe lo expande servicionan cu un centro di oncologia.

Durante e seminario lo papia tocante tratamento, tocante prevencion di diferente causa di malesanan di riñon y riba ultimo desaroyonan medico y di investigacion.

Locual ta hopi importante den caso di malesanan di riñon ta deteccion tempran, dr. Visser a comenta, añadiendo cu mester evita y preveni crecemento di e cantidad di pashent y tambe mester evita y preveni pa pashentnan yega e fase den cual nan mester di dialisis. Dialisis ta haci un impacto severo riba e calidad di bida di hende, pues ta un tratamento no deseabel pa e pashent, Minister Visser a expresa.

Bon screening, pa medio di entre otro Bus di Salud y chekeo anual di nivel di sucu den sanger, hipertension y urina, cual ta yuda detecta hendenan cu tin risico grandi pa bira malo y casonan cu ya tin problema cu riñon, pero no tabata consciente di esaki.

Mester traha riba contene e expansion di e cantidad di casonan nobo, pasobra awo un porcentahe mucho grandi di nos populacion, cual ta creciendo cu pasonan alarmante, ya ta riba dialisis, dr. Rajnherc a expresa.

Banda di curacion mester traha duro riba prevencion, Minister Visser, dr. Rajnherc y dr. Garcia a subraya.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter