Friday, 19 September 2014
E lucha ta sigui pa un mihor Haiti: Prome ministernan Eman y Lamothe a topa Print E-mail
Friday, 15 March 2013 11:13
DSC_2063
Den sala di prensa di gobierno tabata tin un conferencia cu presencia di prome minister di Aruba y tambe prome minister di Haiti. Despues di un reunion e dos prome mandatarionan a dirigi nan mes na prensa.

E prome mandatario di Aruba recien tabata presente na Haiti relaciona cu e yudanza cu Aruba a duna despues di e temblor.  Gobierno tabata tin negociacion largo cu Cruz Cora ora cu mester a haci destinacion y recaudacion di e fondonan aki. Finalmente gobierno a logra convence Cruz Cora pa coy e fondonan di Aruba y dedica esaki pa algo special. Asina a produci dos scol bunita pa Haiti. Durante bishita prome minister di Aruba a invita e prome minister di Haiti pa bin Aruba tambe. Laurent Salvatore Lamothe prome minister di Haiti durante e conferencia na sala di prensa di gobierno di Aruba tambe a comenta un tiki riba e bishita na Aruba. Nan ta trahando duro pa pone Haiti bek riba pia despues di e desaster natural. A construi varios hospital y tambe aeropuerto hunto cu basta caretera despues di e temblor.  E modelonan di Aruba asina exitoso por ta un bon ehempel pa nan tambe na Haiti. Laurent Salvatore Lamothe prome minister di Haiti a splica cu nan no tin tempo pa busca cosnan nobo pero aplica loke tin caba pa pone e pais bek riba pia. Nan tin un populacion di 10 miyon hende. Nan ta reconoce hopi sufrimento na Haiti. Nan ta keda lucha pa un mihor Haiti tur dia. Nan a confirma e contacto cu prome minister di Aruba cu su pueblo. Nan a confirma e hospitalidad di e pueblo di Aruba tambe segun e prome minister di Haiti. Ademas a topa cu e comunidad Haitiano na Aruba. Aki por a confirma e trato special cu prome minister mes ta duna e comunidad Haitiano segun premier Laurent Salvatore Lamothe. Nan lo bolbe cu un delegacion bek Aruba pa atende e Europe Meets America proximamente. E experiencia cu tabata tin na Aruba tabata extra ordinario Laurent Salvatore  Lamothe a splica finalmente.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter