Wednesday, 22 October 2014
Evelyn Wever-Croes : Presentacion di aruba sin refineria tur solucion a wordo presenta caba den rapport 2025, traha bow gobierno di MEP Print E-mail
Wednesday, 27 March 2013 12:41
DSC_2063
Partido MEP tabata representa pa un delegacion bastante grandi na e presentacion organisa pa Camara di Comercio tocante un futuro di Aruba sin refineria. Presente tabata Arondino Croes, Marlon Werleman, Stephanie Croes, Carl Giel y lider di partido Evelyn Wever-Croes.

"Nos a bin cu un delegacion amplio pa nos scucha tur e presentacionnan. Nos opinion ta cu nos pais tin mester cu urgencia un otro pilar economico pasobra awor nos manera un flamingo para riba un pia, un pilar economico so, y esey ta hopi peligroso. Pesey nos ta kere den reaprterura di e refineria pa alivia e situacion imediatamente. Gobierno di Aruba no a hasi suficiente pa habri e refineria bek, y ta ora pa nan duna cuenta di esaki.
Mi ta elogia Camara di Comercio cu a tuma e inciativa aki, cu na prome lugar ta responsabilidad di gobierno, pero Camara di Comercio a mustra di kier carga e responsabilidad aki. Y manera cu a wordo comenta durante henter e mainta, nos ta falta liderasgo y vision den nos pais, pa atende cu e problema aki na serio. Ta di lamenta cu gobierno no a ni duna acto di presencia, y ni a mustra sosten na Camara di Comercio, cu de facto ta hasi esaki pa facilita gobierno.

Mi ta spera cu Camara di Comercio por organisa alog similar pa loke ta trata e finansas publico critico di nos pais, y tambe pa e molinanan di biento di Urirama, manera sr. Holmo Henriquez di Salba Urirama tambe a remarca.

Pa loke ta e presentacionnan mi a haya interesante pa scucha kiko tur ta e posibilidadnan pa un waf na San Nicolas, en bes di un waf na Barcadera. E presentacion tocante tur e bottlenecks cu nos tin awor cu ta stroba inversionistanan di afo inverti den nos pais, tambe tabata hopi interesante, y nos mester traha riba esaki awor, sin warda mas discusion riba e refineria. Nos no tin desaroyo economico na Aruba y e incentivonan cu a wordo menciona, mas cortamento di e 'red tape' den gobiernom, sigur por yuda.
Mi mester bisa cu no a bin hopi proposicion realistico ni concreto padilanti, y sigur no a bin nada padilanti cu no ta para caba den e rapport ARUBA 2025 cu a wordo traha bow gobierno anterior, pero cu a wordo neglisha despues.
Mi a falta dos aspecto den e presentacion: (1) cual ta e alternativa den wowo di esnan cu no kier wak un refineria mas, pa duna empleo na e mil y pico personanan cu a perde trabow, riba termino corto, y mas importante, (2) kiko e pueblo di San Nicolas mes ta pensa di tur esaki. Ta tempo pa tene un tipo di referendum den San Nicolas pa scucha kiko ta biba den curason di donjonan di curpa mes", lider di MEP a finalisa.

 

Comentarionan (11)Add Comment
Ivonne H/
March 30, 2013
190.104.102.149
Votes: -4
...

Evelyne, abo ki si ta un pida cos bon. Sigue kere den bo comedia nan. Abo ta manera un comediante. Bay wak e comedia cu lo bay tin.

N'e chombonan local
March 29, 2013
201.229.48.79
Votes: +1
...

AVP ta un partido di fachada, hopi scuma tiki chuc*lati, un circ*lo di friends & family y MEP ta un coleccion di hendenan ms bobo di Aruba, hend'i mondi (pero esunan cu'n ta sirbi). Mester pone nos Isla directamente bao Hulanda pa caba cu e ROTZOOI aki. Awor parce cu tur parlamentario ta bay Hulanda pa huramenta serca e payaso di rey oranjo mientras gobernador por haci esaki tambe una bez el a huramenta serca e reycito. Placa di Pueblo atrobe pa parandea y haci glamour y pensa cu hende importante nan ta. One big bunch of loosers!

Randolf
March 27, 2013
201.229.14.173
Votes: +6
...

Cuanto wega bo artido no a haci tanto den parlamento y durante boso redo di prensa anto awor cu algo a ser bias boso manera ja knikke ta bin bisa algo differente mientras boso a para critica cu rosea grandi djis pa hunga politica cu n'e. Dicon boso no a bias e trahador nan di Valero esey ora boso a sali haci wega barata y sushi cu henter e asunto di e refineria?

ban serio
March 27, 2013
201.229.29.13
Votes: +5
...

@ ROD. DIOS MESTER LIBRA Aruba cu algun dia e MEP aki bolbe goberna Aruba. Lo ta final di nos dusji baranka. I sigur cu pa e proximo anjanan nan lo NO bolbe, si algun dia Mp bolbe ta tempo ja evelina tin mas cu ochenta anja y No ta interesa den politica mas!!!!

X-men
March 27, 2013
201.229.25.5
Votes: +6
...

Si e rapport aki a wordo traha bao gobierno di MEP e lo ta conoci pa boso caba cual ta hasi un delegashon asina grandi na e forum inecesario. 2 miembro dje delegashon sigur mester a bai hasi nan trabou den parlamento cual nan ta wordo paga p'e pero masha poco ta cumpli cune. E idea di un plan pa Aruba 2025 cu participashon amplio di pueblo ta data for di anja 2000, e tempo ey ta gobierno di AVP y despues MEP mester a laga e proyecto desaroya. Mi no ta weita niun logro politico pa broma cun'e, e tabata un deber sra WC.
Habri refeneria bek? Stop di midi cu 2 midi sra WC. Lag'e sera, pakiko mester molestia hendenan di SN cu huma venenoso y laga Urirama sin molina? Bai hasi un estudio di salud no di e huma pa SN prome no. Acaso botin miedo di e efectonan sin lubida e costo di salubridad publico cu e lo bai costa? Sra WC, a bira tempo pa bo bin cu cosnan concreto y plan nan drechi. Bo ta tilda gobierno di no hasi pero abo mes no ta bin cu alterntiva drechi dilanti.

Lourdis
March 27, 2013
190.104.97.175
Votes: +9
...

Evelyn, bo presencia den parlamento ta masha poco mes. Ta via bo ipad bo ta kere cu bo ta vota den parlamento. Awel, mi tambe lo purba di hacie esey dia di election pa wak si asina cos ta bay.

Berdad Picante
March 27, 2013
201.229.120.143
Votes: +7
...

Sra.EWC, bo no ta compronde e mensahe di bo ex lider, cu campanja ta un cos, gobierna ta otro. Bo ta kere cu e manera di tin critica riba issue, ta solamente confirma cu gobierno tin e lead / momentum y abo ta un follower y pretende di tin vision y cu bo por saca probecho polico cu issuenan, Bo ta kere cu tira santo den wowo di pueblo y hasta usa mentira, ta suficiente garantia pa gana election. E tipo di politica di dinosaurio aki, lo ta e razonnan di boso derota na Semptember proximo, pueblo no tin confianza den bo arogancia como lider cu ta kere cu e so ta perfecto y cu ta pidi y desea malu so pa nos dushi Aruba.

Bounty Hunter
March 27, 2013
201.229.7.196
Votes: +7
...

Nos kier un referendum si pero riba e e huurnan cu papa, tanchi y amigonan topcats ta cobrando pa lugarnan bashi, anto hopi plaka. Ki bo di?

rod
March 27, 2013
201.229.2.69
Votes: +9
...

E critica di sra. Wever Croes ta mustra e falta
di inteligencia pa hasi un propuesta pa nos pais.
E ta pone su mes den e tribunal cu ta dicidi si un
idea ta bon of no. No puntre cual su alternativa pasobra
su cerebro ta cuminza hanja teke-teke. Lider di MEP a duna
un bofta y e mayor humiyacion na KvK den nan historia...!!!
Esaki ta locual ta spera nos pueblo si algun dia nos pais ta
hanja e maldicion di tin e hende mediocre di MEP den gobierno...
ta yega den
gobierno.

ok
March 27, 2013
201.229.47.139
Votes: +11
...

Unda ba keda ayera den parlamento?

Randolf
March 27, 2013
201.229.27.98
Votes: +3
...

Raport 2025 no ta raport di gobierno? Esaki ta hustamente loke MEP no por distingui for di otro Gobierno y partido pasobra ora ta algo positivo ta MEP ora ta algo cu no cumbini nan ta gobierno.
Un grupo grandi di MEP pa yuda traha na Bienstar di Aruba of pa hunga politica cu n'e?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter