Saturday, 27 December 2014
Minister Otmar Oduber: MEP a vota contra cambionan di ley laboral Print E-mail
Wednesday, 27 March 2013 12:47
Comparti
DSC_2063
Diamars durante dia Parlamento a trata e ultimo dos cabio di leynan laboral cual ta ley di salario minimo y ley di aplicacion administrativo di leynan laboral. Tur dos ley a wordo aproba pa Parlamento, algo cu Minister Otmar Oduber a gradici enormemente, mirando cu ta trata di un adelanto grandi na bienestar di nos forsa laboral.

Algo cu e mandatario si a lamenta ta e hecho cu e “Llanero Solitario”manera e minister mes a yama miembro di fraccion di MEP Ady Thijsen, mirando cu e tabata e unico di su fraccion presente pa tratamento di e leynan aki, ta cu el a bay contra di e cambio di ley pa loke ta trata salario minimo, un cambio cu a carga aprobacion di sindicatonan den dialogo tripartidario.

Minister Oduber a mustra riba e hecho cu e ley aki ta bin no pa Sr. Thijsen of Sr. Oduber sali gana, pero e pueblo trahador. El a lamenta e posicion di representante di MEP, cu supuestamente ta un partido social democrata y cu lo mester sali na defensa di pueblo trahador, mas ainda e ausencia di e 4 otro miembronan di fraccion y tur e candidatonan di e partido cu a wordo anuncia recientemente, lo cual ta un indicativo di e pensamento y prioridadnan di e partido geel.

El a indica cu durante 6 aña, Sr. Thijsen tabatin tur oportunidad pa sali na vanguardia di pueblo trahador, pero nunca el a haci esaki ni sikiera durante e 4 añanan cu e tabata lider di fraccion di MEP durante gobernacion di su mesun partido.

Awor cu Thijsen a haya oportunidad di sikiera mustraun tiki sosten pa leynan cu ta beneficia e clase trahador y cu a carga aprobacion di sindicatonan den dialogo tripartidario, el a dicidi di vota contra y purba trece confusion den henter e proceso di e cambio di ley pa loke ta trata salario minimo.

E ley aki ta uno cu ta beneficia nos trahadornan mirando cu ta bisa cu salario minimo no por consisti di tips, fooien, transporte, cuminda ni uniform, es decir, e salario mester ta 100% cash sin desconta e partinan ariba menciona..

Asina cu aprobacion duna dor di Parlamento (cu excepcion di fraccion di MEP) entrante 1 di april 2013 salario minimo ta bira 100% cash y nos por deduci for di dhje placa pa transporte, uniform, cuminda y tampoco tips of fooien cu e trahador a ricibi.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter