Saturday, 20 September 2014
Parlamento a vota pro e ultimo dos cambionan di ley laboral na fabor di e trahador Print E-mail
Wednesday, 27 March 2013 12:50
DSC_2063
Den cuadro di e cambionan di ley laboral Minister di Labor, Otmar Oduber, a logra haya aprobacion pa e ultimo dos leynan Parlamento. Ta papia aki di un grupo di ley cu ta forma cambionan beneficioso cu ta sali na vanguardia di e forsa trahador.

Un di e cambionan cu a wordo trata ayera den Parlamento ta e ley di salario minimo unda cu desde awor no por conta entradanan cu ta procede di e tips ni  tampoco "loon in natura" pa calculacion di e salario minimo. E mandatario ta splica cu componentenan manera placa di cuminda, uniform y transporte no por forma parti di e salario minimo mas. Tur tipo di componenentenan aki mester bin adicional riba e salario minimo.

Minister Oduber ta haya cu ta mas cu husto cu un trahador cu ta biba di un minimo di salario unda cu despues di desconta tur e componentenan menciona lo no contribui na e bienestar economico di empleadonan. Obhetivo principal pa cu reglamenta e ley di salario minimo aki ta pa evita y minimalisa e abuso cu ta tuma lugar den pueblo.

E realidad ta cu trahadornan no por logra yega un banco y haya un prestamo pa por ofrece nan famia un bon biba pa motibo di no ta conta cu un base di salario. Awor danki na e aprobacion di Parlamento y bon maneho di Minsiter Oduber pueblo di Aruba awe a sali victorioso.

Un ley completamente nobo cu e mandatario a introcuci ta e ley di aplicacion administrativo di leynan laboral pa asina aki reglamenta e control y sanciona esnan cu no ta atene nan mes na dje.

Actualmente e inspeccion laboral ta pa controla na pia di trabou si ta cumpli cu e competencianan di leynan laboral, un inspector di Departamento di Labor (DAO) por bay haci un bishita na un negoshi y pidi e doño di trabou documentacion pa vigila su administratie, pa asina aki controla si esaki ta coresponde na e reglanan nobo di ley laboral.

Den e cuadro aki Minister Oduber a introduci 3 instrumento hopi fuerte y importante pa cu e ley nobo aki; uno ta e multa administrativo cu si viola e leynan laboral como dunador di trabou por haya un multa te cu 250 mil Florin maximo. Tambe e ‘last onder dwangsom’, ta unda lo duna e ordo na un compania pa coregi un violacion cu ta un infraccion di ley laboral. Si como dunador di trabou no cumpli cu esaki den un corto plazo di tempo, e compania en cuestion lo por haya un multa di cierto suma pa dia pa forza e compania cumpli tog. Naturalmente e mester ta un caso cu lo por wordo coregi.
Un otro punto cu Minister di Labor a introduci ta den e Departamento di Inspeccion Laboral caminda si e departamento aki haci un bishita na un negoshi y nan bin haya cierto infraccionan di ley laboral, e inspectornan di DAO lo por para e trabou.

Cu un total di 5 cambio di ley laboral forsa trahador ta conta cu e proteccion total tanto pa clase laboral y dunador di trabou.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter