Wednesday, 01 October 2014
Prome Minister Mike Eman, Presidente di Conferencia di Reino e aña aki Print E-mail
Wednesday, 27 March 2013 17:16

Eman-Plasterk  Foto CNico van der Ven  01

Diaranson Prome Minister Mike Eman y Minister de Meza a papia cu Minister Ronald Plasterk di Asuntonan Interno y Relacionnan di Reino riba entre otro e siguiente Conferencia di Reino. Aruba ta e pais anfitrion pa e cumbre aki entre gobiernonan di Aruba, Corsou, Sint Maarten y Hulanda. E conferencia ta wordo teni den e di dos siman di luna di juni. Prome Minister Eman ta fungi como presidente.

E cumbre ta un continuacion di e prome Conferencia di Reino cu a wordo teni na december 2011 na Den Haag. E delegacion Hulandes ta wordo guia dor di Minister Plasterk. Minister Plasterk a confirma tambe cu Prome Minister Rutte ta bishita Aruba y e otro islanan cu un delegacion comercial di dia 13 pa 20 di juli binidero. Futuro Rey Willem-Alexander y futuro Reina Maxima ta haci un bishita na e parti Caribense di Reino di dia 12 pa 24 di november. Banda di tur otro noticia positivo pa Aruba, esakinan ta tres mas riba e lista. Minister Plasterk a reacciona entusiasma riba e noticia cu e mundo empresarial Hulandes tin hopi interes pa e conferencia ‘Europe meets the Americas’ cu ta wordo teni na Aruba di 5 te cu 8 mei. Como resultado di e protocol di cooperacion firma entre Aruba y Hulanda, e Nederlands Centrum voor Handelsbevordering (NCH) a tuma riba su mes pa selecta empresanan Hulandes pa participa na e conferencia. Prome Minister Eman a informa Plasterk cu e cooperacion cu NCH, pero tambe cu MKB Nederland pa haci di e conferencia ‘Europe meets the Americas’ un exito ta canando hopi bon. “Esey ta bon pa Aruba y bon pa Hulanda”, Eman a remarca. El a informa Minister Plasterk tambe di e preparacionnan cu ta wordo haci pa hancra den ley cu no ta permiti mas pa tin deficit presupuestario. Gabinete Mike Eman por a inverti den e ultimo añanan algun shen miyon mas den proyectonan di mehoracion, si na su entrada e no a wordo confronta cu un debe di gobierno cu tabata completamente for di control. Mientrastanto e deficit anual di presupuesto a wordo disminui te na 3% pa aña 2014 loke cu ta e norma internacionalmente. Siguiendo e maneho actual ta conduci cu na 2016/2017 e presupuesto ta bay ta structuralmente ekilibra.

album album album

Comentarionan (1)Add Comment
Preocupa
March 28, 2013
201.229.76.183
Votes: -1
...

Sr Mike Eman, ki dia bo persona ta cuminsa papia e berdad y stop di tuma hende hasi???

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter