Friday, 31 October 2014
Prome Minister Eman ta lantando interes na Hulanda pa e concepto Gateway Aruba Print E-mail
Wednesday, 27 March 2013 17:22

Biesheuvel  ©Foto Nico van der Ven  04

Manera ya ta custumber e bishitanan na Hulanda di Prome Minister Eman ta bay acompaña pa un agenda pisa cu ta envolvi diferente encuentro cu hendenan cu ta importante pa Aruba. E biaha aki Eman a tene varios reunion cu directornan di empresanan y otro institutonan Hulandes pa discuti e concepto di Aruba Gateway y interesa nan pa participa den dje.

Esaki ta loke Aruba ta boga p’e y gobierno ta haci tur cu e por pa logra realisa e concepto aki cu ta na bienestar di Aruba y su hendenan. Prome Minister no ta laga ningun oportunidad pasa bay pa trece e concepto Aruba Gateway bou atencion di otronan y mustra nan con nan por ta parti di dje. “Dialuna mi a topa cu mas di 20 empresa durante un presentacion hunto cu Carbon War Room y TNO pa papia riba e desaroyonan riba tereno di energia sostenibel. Tambe a bin padilanti e forma con nos kier crea un sociedad caminda e parti di e crecemento economico ta cana mas man den man cu e bienestar general. Esaki ta un aspecto cu ta capta hopi atencion aki na Hulanda cu aprecio pa e forma di pensa aki. Tambe e maneho cu a keda introduci pa haci esaki posibel a cay grandemente na agrado aki ya cu asina bo ta construi un sociedad mas duradero”. Eman a bisa cu e reunion cu gerencia di waf di Rotterdam tambe ta masha importante pa Aruba. E waf aki ta e Europoort di mundo pa Europa. “E empresa cu ta maneha e waf aki ta parcialmente un empresa di estado y parcialmente di municipio Rotterdam. E hendenan aki tin un conocemento grandi riba maneho di waf”. Eman a bisa cu gobierno ta desea pa e empresanan aki habri un sucursal cu un parti di nan operacionnan na Aruba cu e conocemento y experticio cu nan tin riba nan tereno. Nan por provee e conocemento y experticio ey pa e area di Latino-America. Nan ta haci esaki for di Aruba hunto cu Arubianonan cu a studia den e mesun direccion aki, pero cu ta papia e idioma y conoce e cultura di e region Sur Americano. Asina ta crea oficina cu ta bay brinda servicio riba tereno di entre otro desaroyo y maneho di waf. “Havenbedrijf Rotterdam ta hopi interesa den e concepto aki. Mi a papia cu nan y cu NACO riba tur locual gobierno ta haciendo riba e tereno aki”. NACO ta e empresa cu ta diseña aeropuertonan. E ta traha cu Schiphol y den pasado a traha na Aruba. Actualmente e ta na Aruba atrobe pa yuda cu e parti pazuid di aeropuerto. NACO ta un compania mundialmente conoci y tin hopi interes den desaroya su clientela den e parti Latino-Americano. Prome Minister Eman “E interes cu nos ta lantando aki ta bay ta nos enfoke durante e conferencia ‘Europe meets the Americas’ pa empresanan cu nos ta bishita pa bin establece nan mes na Aruba y mira locual Aruba tin di ofrece. Pa stimula nan un poco mas nos ta trece nan den contacto cu empresanan di Latino-America cu ta biniendo Aruba pa e conferencia. Di e forma aki nos ta consolida e interes cu tin aki y traduci esaki den un decision pa nan establece nan mes na Aruba”.

album album  

Comentarionan (2)Add Comment
Comcomber
March 30, 2013
201.229.74.85
Votes: +2
...

E gay aki ta dunami sonjo, nos min pres.

Preocupa
March 28, 2013
201.229.76.183
Votes: +2
...

Sr Eman, wanneer stopt u met cosmetics politics

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter