Thursday, 02 October 2014
Scheepvaart- en Transportcollege (STC) tin interes grandi den Aruba Print E-mail
Wednesday, 27 March 2013 17:24

Eman - Albert Bos  FotoCNico van der Ven 01

Gerencia di ‘Scheepvaart- en Transportcollege’ na Rotterdam a afirma di ta na Aruba pa e conferencia ‘Europe meets the Americas’ cu ta wordo teni di 5 te cu 8 di mei na Aruba. E empresa ta haci uzo di e oportunidad aki pa explora e posibilidadnan pa habri un sucursal na Aruba. Esaki nan a comunica na Prome Minister Eman, kende a haci nan un bishita.

Eman a papia cu Albert Bos di STC Group, cu no ta solamente activo na Hulanda, pero tambe na Asia, Medio Oriente, Africa y Brazil. Na e paisnan aki STC ta ofrece cursonan y formacion educativo. E organisacion ta enfoca entre otro riba e sectornan marino y aereo, transporte pa medio di caminda y rails y logistica en general. Educacion ta wordo duna riba nivelnan VMBO, MBO, HBO y Master. E deliberacion cu Prome Minister Eman tabatin cu STC Group, ta e prome resultado concreto di e encuentro cu Eman tabatin un dia prome cu e top di e empresa portuario di Rotterdam (Havenbedrijf Rotterdam). Cu director di e waf di Rotterdam Roger Clasquin a keda palabra cu – anticipando riba e conferencia ‘Europe meets the Americas’ – ta bay haci uzo di e netwerk di otro. Den 24 ora esaki a duna resultado concreto den forma di un contacto cu e grupo di Scheepvaart- en Transportcollege. STC Group tin desde 2010 un sucursal na Recife, Brazil, pero ta señala cu tin un demanda creciente pa estudionan profesional riba tereno logistico di paisnan manera Panama, Colombia y America Central. Nan tur ta na un distancia relativamente grandi y riba dje nan ta paisnan di habla Spaño. Prome Minister Eman mesora a reacciona bisando cu studiantenan di e regionnan aki por sigui nan estudio for di un centro educativo na Aruba. “E posicion faborabel, e bon comunicacionnan aereo y ta forma parti di Reino, ta haci di Aruba un localidad atractivo pa establece un empresa eynan, asina Bos a conclui. E ta mira e conferencia na mei un bon motibo pa evalua e posibilidadnan di Aruba. Riba e potret por mira Prome Minister Mike Eman y Angelique Peterson den combersacion cu Albert Bos di STC Group.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter