Tuesday, 21 October 2014
Compania di excavacion Van Oord ta haya concepto Gateway Aruba hopi valioso Print E-mail
Wednesday, 27 March 2013 18:00

Eman - Marine  Foto CNico van der Ven  02 1

“Nos ta un contratista internacional. Nos ta traha global, pero kier ta presente local. Pa nos ta esencial pa ta cerca di nos clientenan. Ta p'esey cu nos ta gusta masha tanto mes e concepto Gateway Aruba ", esaki tabata comentario di Paul Verheul, miembro di e Hunta Ehecutivo y Chief operations officer di e compania di excavacion Van Oord. Un compania cu ta opera mundialmente.

Prome Minister di Aruba Mike Eman y Minister de Meza a wordo cordialmente ricibi diaranson na e oficina principal na Rotterdam dor di Verheul y su colega Ronald Schinagl. E ultimo aki ta responsabel pa e actividadnan na Merca y Africa di e compania. Pa yama Prome Minister Eman, Minister de Meza y e delegacion di Aruba bon bini e empresa a hisa e bandera di Aruba. Cu un volumen di benta di 1,7 biyon Duro y 4.700 empleado Van Oord ta un di e companianan di excavacion mas grandi na mundo. E empresa di cual mayoria di su accionnan pa generacionnan caba ta propiedad di famia Van Oord, ta conoci pa su envolvimento den proyectonan espectacular manera e islanan den forma di un palma dilanti di e costa di Dubai y e di dos Maasvlakte. E encuentro di Prome Minister Eman y de Meza cu ehecutivonan di Van Oord tabata pa duna informacion di e concepto Gateway Aruba. Van Oord, asina Verheul a bisa, ta fuertemente representa den Medio Oriente, Asia y Africa y menos den Latino America. A yega di ehecuta proyectonan den pasado y na e momentonan aki e compania ta tratando di wordo envolvi den e proyecto pa haci posibel cu por nabega riba Rio Magdalena na Colombia. E compania ta spera riba mas proyecto, sigur cu awor tin hopi proyecto riba tereno di infrastructura pa wordo ehecuta.”Dos aña pasa nos a habri un oficina na Panama. Loke nos ta ripara cu nos ta dal den diferencianan di cultura. E oferta di Aruba pa yuda empresanan Hulandes den surpasa esaki ta hopi balioso mas nos”, Verheul a bisa. E miembronan di e directiva di Van Oord a mustra gran interes den e conferencia ‘Europe meets the Americas’ cu ta wordo teni di 5 te cu 8 di mei na Oranjestad, Aruba na unda empresarionan di Europa y Latino-America ta topa cu otro. Prome Minister Eman a bisa su huespednan cu nan ta sigui e combersacion na Aruba na luna di mei. Paul Verheul, miembro di e Hunta Ehecutivo y Chief operations officer di Van Oord y hefe di telecomunicacion Robert de Bruin ta saluda Prome Minister Eman.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter