Tuesday, 02 September 2014
Parlamentario Arondino Croes: Ministro Dowers ta desapunta e mundo di ensejansa cu su bishitanan di touch and go Print E-mail
Wednesday, 27 March 2013 18:31

arondino2

Diabierna 22 di maart tabata tin un reunion importante y intensivo di sector di welzijn di EPI unda Parlamentario Arondino Croes hunto cu lider di MEP mr. Evelyn Wever Croes a atende y nan a duna hopi atencion na e hobenan akinanan pa e projecto cu nan a bin cune e tema di tentamento conoci como “bullying”.

Ora a mira contenido di e calidad di loque EPI ta ofrece unda tin 1800 studiante ta bayendo y pa e sector di welzijn tabata tin participacion di minimo 300 studiante e mainta eynanan. Segun Parlamentario Arondino Croes por a wak un projecto hopi profesional cu hopi contenido cu hopi variacion, hopi diversifidad riba e topico bullying. Nan a usa casestudynan, nan a usa filmacion, nan a traha conhuntamente cu universidad di Aruba su studiantenan cu a contribui na e contenido di esaki y loque a resalta segun Parlamentario Arondino Croes, y akinan MEP kier manda un felicitacion na e di sector di welzijn di EPI cu e trabao intensivo y completo cu nan a haci unda tabata tin e parti di onderzoek cu a worde haci pa e mesun studiantenan di diferente scolnan basico y nan a busca un 6 scolnan ey pa haci un encuesta pa wak con lew e parti di bulying ta presente na e scolnan basico.Esaki tabata e pregunta central cu nan a haci unda bo ta wak e resultado di e influencia cu tin ora un mucha worde tenta. Kiko e ta actua, con e ta bai dilanti cunele, ken e ta acerca? Tambe studiantenan di universidad di Aruba a bin cu un intervencion na unda e mbo-ers y hbo-ers por contribui den esaki. Loque tambe a resalta den e dia aki segun Parlamentario Arondino Croes ta cu e minister encarga cu ensejansa Arthur Dowers a bin solamente pa e apertura y a keda solamente 5 minut y a bai, un sistema di touch and go. Segun Parlamentario Arondino Croes esaki ta haci hopi dolor profunda ora wak esaki y como mayornan responsable bo ta bisa con por ta possible cu un Ministro di Educacion no ta tuma tempo pa wak e contenido na scol y lo mas tristo ta cu loque e muchanan a trece dilanti den nan onderzoek ta simplemente instrumentonan cu bo por usa como Ministro pa traha un plan integral di educacion con pa atende cu e problematica di bullying cu ta un topico hopi preocupantenan na mundo si bo wak desaroyonan riba internet. Dor di esaki hopi muchanan mundialmente ta esta suicida nan mes pasobra nan no sa con pa bai mee cu esaki. Na Aruba segun Parlamentario Arondino Croes e ta birando un topico hopi interesante den e hobenan y pesey su persona ta bisa pakiko e Ministro di ensejansa Arthur Dowers ta haci apertura y bai ,y ta just saka potret pa bisa cu e tabata presenta pero ningun momento a pone atencion real na e contenido di loque e muchanan a prepara. E muchanan ta hopi creativo y a duna un analysis di e situacion di bullying na Aruba pero nan a duna un picture completo con pa pak aan e problematica y bunita bo ta wak segun Parlamentario Arondino Croes con e sector welzijn di EPI hunto cu e secion social di universidad di Aruba cada un a trece un bijdrage con gobierno por traha un plan integral nacional pa atende e problema du bullying.Con por ta posible cu un Ministro di ensejansa no ta presente, E ta just bin saka potret y bai, touch and go.Unda e valor a keda pa e studiantenan cu a traha riba e projecto aki. Unda e valor a keda pa ideanan creativo. Social media manera facebook y twitter ta worde usa pa bulying, anto e muchanan aki mes ta trece solucion pabo.Nan a crea asta un facebook special pa yuda soluciona bullying.Pues enbez di e Ministro a bin bai e por a keda akinanan y e muchanan aki mes lo a yudele cu maneho. E muchanan a trece tambe un critica dilante pa cu e Ministro riba e hecho cu actualmente no ta existi un plan con pa atende e problema di bullying. Parlamentario Arondino Croes ta felicita EPI y tur e studiantenan cu a participa na e projecto aki y ta spera cu den futuro ministronan keda presente na actividad asina aki cu sigur ta contribui na solucion di problemanan den ensejansa.

Comentarionan (7)Add Comment
ban serio
March 28, 2013
201.229.9.130
Votes: +0
...

Por lo menos e a duna acto di presencia, parlamentarionan di Mep ta wordo PAGA y nan NO ni pasa banda di parlamento!! Esey ta BERQUENSA

Preocupa
March 28, 2013
201.229.76.183
Votes: +2
...

Berdad. stop di keha y cumpli cu bo trabow i no gaña

Courage12
March 28, 2013
201.229.30.35
Votes: +1
...

Biba AVP

Berdad Picante
March 27, 2013
201.229.120.143
Votes: +7
...

Homber stop di zuer, bo keha manera un muher cu ta bai hanja jui. hiba bo companja manera un homber, bisa ki bo ta bai hasi con bo ta soluciona e problemanan, cu sigun bo ta existi, cuminza bira un homber y no un kehado of raton.

Randolf
March 27, 2013
201.229.14.173
Votes: +10
...

Un berguensa con un persona adulto cu no sa di contribui cu nada positivo y cu durante nan 8 aña di gobernacion no tin mucho pa gaba cu n'e corda presenta nan plan pa future. Personan cu mente troci, haragan pa poder y mas pio cu mente destructivo cu tin e unico meta pa divide e pueblo aki door di nan pensamento meskino. Mi ta spera cu e pueblo aki no duna boso menos cu e mitad di loke boso partido a sobra cu n'e.

Lourdis
March 27, 2013
190.104.100.77
Votes: +11
...

Arondino: Pakiko e parlamentario nan di MEP por di at least touch and go durante renion nan....a nan si no...a nan ta ni touch and go, ban corda hacie un stay over. Bay fliet Adrino. Bo ta un berguenza pa bo mes partido vies ey. Che, bo ta vies.

ban serio
March 27, 2013
201.229.29.13
Votes: +14
...

Tur di Mep ta mescos djies busca rond wak kiko nan por critica envez di haci algo costructivo esy ta politiek barata mescos cu llanero solitario ningun tin algo di nan mes lastima!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter