Thursday, 23 October 2014
Monumento Piscadornan Perdi Riba Lama Un bunita gesto di Minister Otmar Oduber pa conmenmora piscadornan perdi riba lama Print E-mail
Wednesday, 27 March 2013 19:41

2013-03-27 14.43.21

Despues di un aña cu Minister di Turismo, Transporte y Labor Otmar Oduber a acerca Fundacion Centro di Pesca Hadicurari pa bin cu un proyecto di Monumento pa Piscadornan Perdi Riba Lama, diaranson a logra firma acuerdo cu artistanan pa ehecuta e proyecto aki y inaugura esaki dia 29 di juni 2013 Dia di Piscador.

Durante e renobacion y expansion di Pier Spaans Lagoen Minister Oduber a sinti hopi di serca e dolor di famianan y colega piscadornan kico e ta pa perde un ser keri riba lama. Na e momento ey e mandatario a compromete su mes cu e monumento aki pa recorda piscadornan. Despues di un aña di conversacion Minister Oduber a anuncia cu riba Dia di Piscador lo inaugura e Momumento Piscadornan Perdi Riba Lama. Meta principal tras di e proyecto aki ta pa conmenmora e piscadornan cu no a regresa cas bek. Manera e mandatario a indica e proyecto di e monumento ta wordo pa gran parti financia dor di e Tourism Product Enhancement Fund (TPEF) cu su proposito ta pa mehoracion di Producto Aruba y a tuma e responsabilidad pa carga e proyecto y honra nos piscadornan perdi riba lama. Minister Otmar Oduber a firma diaranson e acuerdo cu artistanan Gilbert Senchi y Fernando Vermeer cu ta encarga pa traha e piesa di arte monumental aki. Monumento Piscadornan Perdi Riba Laman lo wordo construi riba Linear Park, na e beach dilanti Cas di Gobernador caminda antes tabata baha boto. Hunto cu esaki Minister di Tursimo, Transporte y Labor, Otmar Oduber, lo haci entrega di e buki cu historia y nomber cu potretnan di tur e piscadornan cu a perde riba laman. Minister Oduber ta haci un yamado na famia di piscadornan cu no a regresa cas bek pa tuma contacto cu Glenda na Santa Rosa tel: 5858102 of Castro Perez na Centro di Pesca Haidcurari y asina aki provee e informacion y historia di nan ser keri.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter