Tuesday, 21 October 2014
Minister Ing. Mike De Meza ta premira cu veld di Lago Height lo bira uno masha luz y frecuenta Print E-mail
Wednesday, 27 March 2013 19:43

IMG 5017

Centro di Bario Lago Heights ta un di e veldnan di bala di mas bieu na Aruba y San Nicolas, cu pa hopi aña no a haya ningun atencion y desde cu Minister Ing. Mike de Meza hunto cu su gobierno a tuma mando na 2009, a percura pa pone e veld aki riba lista pa haya su debido atencion.

Manera cu e gobierno a sinta na final di 2009, Minister Ing. Mike de Meza a percura pa e haya su debido luznan y e plannan a cuminsa cana pa haya fondo pa drecha e veld completo. Pa mas di 15 aña e veld aki tabata un area, unda cu varios campeonato grandi a tuma luga como tambe varios di nos peloteronan a conoce nan caminda pa Grandes Ligas. “Pa basta aña a neglisha e veld aki basta, berdad ta cu algun coach y persona si a purba di mantene esaki, pero esey no tabata suficiente pa por mantene manera mester ta. Nos a percura na comienzo di nos gobernacion pa e haya e luznan adecuado y awo ta toca turno pa drecha e infrastructura completo di e veld, pues e cura,tribuna, dog out y asta e parti di e bar y cushina. Ta trata di un proyecto cu lo costa den cared’i 400 mil florin. E proyecto no ta keda na e veld so, sino lo expande e proyecto den un siguiente fase, cu lo ta e famoso speeltuin pa nos muchanan, cu tambe lo conoce un renobacion completo. Hopi ta esnan cu ta haci uzo di e veld aki y p’esey mes nos ta completamente convenci cu e merece di tur su debido atencion, specialmente p’esunnan cu ta biba den e area di Lago Heights y p’esunnan cu ta frecuenta e luga aki tambe”, e minister a indica. E proyecto completo lo costa 400 mil florin y ta calcula cu lo termina den cared’i dos luna, pues pa memey di april. Boutisma Construction ta encarga cu e realisacion di e proyecto aki y lo ta maneha pa e directiva di Lago Heights mes, cu semper a percura pa eherce un tremendo trabou, manteniendo un di e veldnan di mas bieu na Aruba pa e districto di San Nicolas, un joya di veld pa tanto nos chikitonan, nos hobennan y nos grandinan, cu lo haci uzo di dje.

album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter