Monday, 22 September 2014
Rene Herde: Debe riba financiamento di estudio ta birando un problema grandi pa nos studiantenan Print E-mail
Wednesday, 27 March 2013 20:48

Rene Herde002

Den conferencia di prensa di fraccion di AVP, Rene Herde a informa tocante e reunion di Parlamento di Reino na Hulanda, e sesion caminda a trata e financiamento di estudio pa nos studiantenan.

Den debate e fraccion di AVP a trece dilanti cu nos studiantenan cu ta caba, of cu no ta caba mes nan estudio, ta keda cu un debe hopi grandi y un parti grandi di nan salario ora nan cuminza traha, tin cu bay na paga e debenan aki tanto esun di Aruba como esun di Hulanda, loke ta bira un situacion hopi serio. Esaki ta algo cu ta sosode na tur pais di mundo cu tin un sistema di financiamento di estudio, entre otro Merca y Hulanda. Hulanda mes ta cambiando nan sistema di financiamento pa pasa riba un fianza completo y no un combinacion di esaki cu beurt. E caracteristicanan di e problema aki ta uno, e costo di estudio cu ta aumenta mas acelera cu inflacion mes di e paisnan. Dos, e cantidad di studiantenan a crece hopi y ta sigui den e trend aki. Antes prome cu Status Aparte Aruba tabata manda di 30 pa 40 hoben anualmente afo pero ora a institui e financiamento di estudio a cuminza bay di 300 pa 400 te awor. Den e reunionnan na Hulanda a trata e tema aki pa purba yega na un solucion y den e cuadro aki a dicidi pa lanta un comision y fraccion di AVP ta bay forma parti di esaki. Un solucion mester busca pa no descurasha nos hobennan pa studia na nivel academico, manera ta pasando na Hulanda mes cu ya caba un porcentahe ta prefera di no bay na nivel superior pa miedo na e debe. Esaki por trece cune cu hopi talento ta bay perdi, personanan inteligente y capaz ta studia mas abao di nan nivel cu su consecuencia pa economia, pasobra lo tin menos hende profesional riba e mercado, y caba un carera por bira un luho pa un grupo elite so di studiante cu nan famia por paga nan estudio. Den e siguiente gobernacion fraccion di AVP ta bay sigui hunto cu e comision traha riba e asunto aki, di manera cu nos studiantenan ora nan caba nan por traha y paga nan fianza di estudio sin cu mester sinti horca. Tambe Hulanda ta wak e necesidad pa yega na un solucion y bin cu un areglo di pago mas husto.

Comentarionan (6)Add Comment
Meme
March 31, 2013
201.229.48.47
Votes: +2
...

Ami ta full eens cu Historiador. Mester obliganan pa bin back pa paga nan lening back. Stranjo si cu nan sa cuanto e estudio lo sali, cuanto nan salario por ta y ainda nan no por calc*la cuanto nan aflossing mensual ta, dumbos cu titulo? Bo ta hinca bo mes den un skol a sabiendos y miseria, echt heel erg dom hoor!

Historiador
March 31, 2013
201.229.49.87
Votes: +3
...

Who cares. Mayoria no ta bin back Aruba anyway, nan ta switch di un estudio pa otro, despues nan ta rek e cu 'mi kier bay pa mi master' algo cu mayoria no ta caba y despues nan kier core stage pa 10-15 anja, of e famoso 'loke m'a studia no tin trabao pe na Aruba'. Ki dia gobierno ta OBLIGA studiantenan pa bin back despues di caba nan HBO of bachelor, laga nan traha 5 anja pa nan por bin na remarke pa otro lening. Tur hende conoce e wega di nos studiantenan y ki dia gobierno ta stop duna studie lening pa estudionan cu no ta sirbi Aruba. Si un studiante terco kier studia algo foi sla, laga su mayornan tuma un persoonlijke lening na banco!

Swat
March 30, 2013
201.229.74.85
Votes: -2
...

@el-caballo: kisas abo tambe a studia sin paga nada bek?
Of bo ta mesun RIOOLRAT cu BA?
Djis un pregunta e ta.

nacinimod
March 29, 2013
201.229.115.156
Votes: +0
...

Gobierno mester pone e sistema di studiebeurs bek keremi e lo alivia ful e sistema di estudio y e studiante no lo perde cabes cu esey

el_caballo
March 29, 2013
46.129.105.192
Votes: +0
...

etempo ey no ta e tempo akiMr SWAT

Swat
March 29, 2013
201.229.75.83
Votes: -1
...

Claro cu awor e no a bira pagabel mas.
BA abo si a studia cu studiebeurs, bo no mester a paga nada nada bek.
Esey nos ta jama sinberguensa, che vies BA!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter