Friday, 25 July 2014
Gobernador Refunjol y Minister Dowers ta anuncia Weganan di Rey Print E-mail
Thursday, 28 March 2013 17:10

27mar13-koningsspelen2013-013

Diaranson mainta Gobernador di Aruba, S.E. Fredis Refunjol y Minister di Husticia y Enseñansa Arthur Dowers a anuncia cu riba dia 26 di april lo celebra Koningsspelen den tur parti di Reino Hulandes. Na Aruba tambe tur mucha di scol basico lo disfruta di un desayuno saludabel hunto, pa despues participa na un dia hopi anima y dibertido.

Gobernador Refunjol a splica cu e Weganan di Rey ta un deseo di nos futuro Rey Willem-Alexander, pa tur mucha disfruta tambe di un actividad special relaciona na e ceramento di e periodo di gobernacion di nos Reina Beatrix stima y inauguracion di su periodo di gobernacion. Minister Dowers a bisa cu ta un placer pa anuncia e actividad asina special aki hunto cu Gobernador Refunjol. Directie Onderwijs, Inspectie y tur directiva di scol a wordo avisa caba di e actividad aki, y tur scol ta wordo encurasha y motiva pa participa cu animo na e Weganan di Rey. Esaki ta e forma cu nos muchanan tambe ta haya nan atencion y ta celebra e ocasion historico cu lo tuma luga riba dia 30 di april, 2013, ora cu La Reina Beatrix abdica y Prins Willem-Alexander bira rey, Minister Dowers a splica. E peticion di nos futuro rey ta un muestra di su atencion pa henter Reino, su dedicacion y atencion pa nos hobennan, segun e mandatario. Minister Dowers a splica cu tempo e tabata mucha bayendo scol, tur aña nan tabata ricibi un treat special pa Dia di La Reina y esaki semper a keda den e curason di e muchanan y awendia cu su generacion ta adulto nan ta keda corda e gesto aki. Minister Dowers a expresa cu e ta spera cu e Weganan di Rey por bira un tradicion y asina nos hobennan crece cu e stimacion pa loke ta di nos tur den Reino, cual ta nos Cas Real. Durante e conferencia di prensa dialuna Monique Kuiperi di IBiSA a comenta cu tur mucha di nos scolnan basico, ademas di e desayuno, tambe lo ricibi un t-shirt como recuerdo di e dia aki. El a bisa cu lo percura pa un programa hopi leuk. Coordinadornan di e programa ta pensando den direccion di presenta un Trayecto di Corona y ta motiva e scolnan mes pa bin cu diferente idea tambe. E weganan lo wordo presenta di tal forma cu tur mucha cu placer lo participa. Tin planea pa for di Hulanda Prinses Maxima manda e señal pa inauguracion di e weganan, segun Nicole Hoevertsz, kende ta miembro di e comision di e programanan pa conmemoracion di e "troonwisseling" na fin di april y e bishita real na november 2013. Sigui paso pa paso e desaroyonan, sugerencianan y actividadnan pa cu e Weganan di Rey na hulandes, ingles y papiamento riba e website: www.koningsspelen.nl.

album album album

Comentarionan (4)Add Comment
Sta. Cruz
March 30, 2013
201.229.71.179
Votes: +1
...

Danki "E Shoco", mi a comprende mi eror!

E Shoco
March 30, 2013
201.229.82.198
Votes: +2
...

Djies click riba e link aki pa mas informacion: http://www.koningsspelen.nl/lang_pap/index.html

E Shoco
March 30, 2013
201.229.82.198
Votes: +3
...

@ Sta. Cruz: "KONINKRIJKSspelen" of "Weganan di REINO" ta keda manera cu nan ta, no ta bin cambio den nada. Si bo lesa bon ta trata aki di Weganan (recreativo/competitivo)na e scolnan den cada parti di Reino Hulandes relaciona cu e cambio di Trono pa (futuro) Rey Willem Alexander; e Weganan aki a wordo duna e nomber "Koningsspelen", na Papiamento "Weganan di Rey". No bruha 2 cos den otro, ok? smilies/wink.gif

Sta. Cruz
March 29, 2013
201.229.66.121
Votes: +1
...

Sorry, djis un pregunta...
E tabata "KONINKRIJKSspelen" of "weganan di REINO"!
Si esey ta e caso, anto e nomber mester keda mescos toch? Anke nos ta bay haya un rey na lugar di reina Beatrix?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter