Thursday, 23 October 2014
Hulanda y Aruba a firma acuerdo pa subi mercado internacional di prestamo hunto pa logra un interes mas abou Print E-mail
Friday, 29 March 2013 04:46

Ondertekening Protocol  Foto CNico van der Ven  11 1
Gabinete Mike Eman pa cera nan bishita di trabou na Hulanda, a logra yega na un acuerdo unda e pais aki ta compromete su mes pa yuda Aruba subi mercado di prestamo, na un interes hopi mas atractivo. Na di su biahe Prome Minister Mike Eman a duna un declaracion caminda el a splica e resultado di e bishita di e delegacion Arubano na Hulanda.

Tur e cooperacionnan cu ta logrando cu Hulanda, ta bini di e Protocol cu a firma cu Minister Donner den nomber di Hulanda, na aña 2011, unda a palabra di lo coopera cu otro riba metanan comun. Den cuadro di esaki tambe, Gobierno di Aruba tabata na Hulanda e siman aki unda a promove Aruba como un gateway pa Hulanda, den su relacion cu sector comercial, educativo, etc., cu Sur America. Esaki ta encera establecimento di empresanan Hulandes na Aruba pa desaroya mas nan relacion cu paisnan den region. De n cuadro di e cooperacion aki tambe a palabra cu Hulanda lo duna cooperacion pa hunto cu Aruba subi mercado di capital, ora cu esaki ta necesario, pa haci prestamonan na un interes hopi mas atractivo di loke ta pagando awor. Ta pensa aki riba refinanciamento di e obligacionnan di Aruba. "Nos a papia esaki intensivamente cu Ministerio di Asuntonan Interno, di Finanza y awe nos a yega na un cooperacion cu Hulanda, pa traha hunto ... y apoyo otro riba e tereno aki." E mandatario a splica cu e inscripcion cu Hulanda riba mercado di capital,naturalmente mester ta cumpliendo cu e condicionnan internacional di un bon finanza y di por cumpli cu pagonan. Premier Eman den su declaracion duna ta bisa cu e areglo aki tin un bentaha grandi pa Aruba, ya cu e tin un diferencia den e interes cu ta paga riba prestamonan. Alabes, el a bisa, e ta cuadra cu e meta poni door di Gobierno pa baha e deficit gubernamental te na un presupuesto balansa. Ya caba e Gobierno di Aruba a logra baha e deficit aki for di 300 miyon pa 225 miyon florin. "Nos ta spera cu den 2 aña yega na 3% di e presupuesto. Nos lo traha hunto cu Hulanda riba e tereno aki pa mira con nos por apoya otro,"Eman a duna di conoce y a gradici Prome Minister Hulanda Mark Rutte y Minister Plasterk masha hopi pa e cooperacion brinda. Minister Plasterk den e conferencia di prensa a cuminsa pa bisa di ta masha impresiona un biaha mas pa e manera cu su colega Prome Minister Eman ta atende cu asuntonan di su pais. E mandatario Hulandes tabatin bon palabra pa tur loke e Prome Mandatario ta trahando pa logra haci di Aruba un gateway unda e beneficionan ta pa e isla pero tambe pa empresanan Hulandes. "Y e ta prueba con cuatro pais den Reino Hulandes poor duna mas contenido na e relacionnan existente," Plasterk a bisa. Pero tambe el a duna di conoce di ta contento di por a firma e protocol cu Aruba. Premier Eman a splica cu aworaki Aruba ta hayando prestamo internacional na 4.6% cu ta un interes hopi mas abou cu otro paisnan, pero cu e 2% cu Hulanda normalmente ta haye, ta haci un diferencia pa Aruba toch. Principalmente si e diferencia den pagonan por core den 20 miyon. E formula ta cu Hulanda ta inscribi pa Aruba, pero cada peticion lo wordo evalua door di Hulanda, mescos cu banconan internacional ta haci, riba con finanza ta y cu e pagonan por tuma luga.

Comentarionan (18)Add Comment
The Baron
March 31, 2013
201.229.119.78
Votes: +3
...

Hopi content mi ta cu Evelyn(Liber di MEP)a presenta I entrega e Raport "Fiest vieren ten ondergaan".E Politco Hullandesnan por a kime'le of bente'le den bari di shushi manera AVP ta bisa,pero ela wordo entrega,majan cu cos bira malo na ARUBA,Hullanda no por bini mustra dede of exigi ARUBA di nada,pasobra nan a juda den tur bagamunderianan aki.

Bo Aruba
March 30, 2013
201.229.10.193
Votes: +6
...

Tin indicacion fuerte cu ta na Bank van de Nederlandse Gemeente Mike a hasi e prestamo. Pues nos ta oficial un gemeente di Hulanda?????? Mientras Bonaire kier sali for di Hulanda!!!

Gabi
March 30, 2013
190.104.96.76
Votes: +6
...

Presta mas placa pakiko??? Con a para cu e BBO cu a wordo primiti di lo a wordo kita durante henter campanja un par di anja pasa??....turismo a subi toch?? Mi junan lo mester traha dos trabow pa por cria nan famia..E debenan lo keda pa anjas despues cu mike I su gang bai.

... Low-rated comment [Show]
... Low-rated comment [Show]
... Low-rated comment [Show]
... Low-rated comment [Show]
politiek2013
March 29, 2013
190.2.160.245
Votes: +32
...

mas locura...e gobierne aki a perde notion di realidad y ta fia placa paso no ta for di nan sako e ta sali mayan pa paga back...que desaster e hende nan aki ta bai laga atras...repition di tempo di hotel BETA, Plantation y Ramada Renassance...debe y mas debe...hasta lotto nan a kibra na werki...cu un debe di riba 70 miyon florin den 3.5 anja...mester bin bek cu ley di horca ...anto e cabuya mester ta color BERDE BERDE...tristo...

jos
March 29, 2013
201.229.76.63
Votes: +22
...

@ berdad picante , bay banco anto busca informashon , gobierno di avp ta hasiendo fanfaria cu ta bay "refinancia" debe na interes mas abow ,ora abo tin un debe na banco anto bo kier bay "refinancia" esey kiermen bo tin cu refinancia tur bo debe bieuwnan i hasi nan tur un debe nobo na interes mas abow, "refinancia" no kiermen bay busca un otro debe nobo na interes mas abow pa despues bo keda cu debe bieuw i otro debe nobo, cualkier mucha por sa cu debe bieuw i otro debe nobo ta bira mas debe pa e pueblo pagador di belastingsmilies/smiley.gif

Aruba2013
March 29, 2013
201.229.56.112
Votes: +27
...

Comunidad di Aruba ta e unico co ta vota totalmente pa un gobierno cu ta bisa cu Aruba ta hopi Rico y ta draai door di constantemente hacienda debe!
Si realmente nos kier un cambio nos mester pens a realmente ki ta Bon pa nos mes y pa Aruba en general, creando mas debe constantemente sin ta realmente goberna e pais aki.
Ora bo tin un negoshi bo tin cu zorg cu e ta draai den +, moment cu e ta draai den min pa un largo tempo y bo mester busca liniea di credit na banco anto e Ora bo no ta manehando bo compania correctamente, of e no tin sufficient entrada un option cu Hopi lo tuma ta sera e negoshi, Bo por imagina cu like sr mean ta haci ta di applaudi ?
Si bo wak tv e banconan commercial lokaal ta Mercadea tur dia con pa pueblo fia placa zogenaamd na un mihor imteres etc, un mentalidad di pueblo danja completamente y cu e gobierno lugar e la purba cambia e mentalidad a haci net nada.

... Low-rated comment [Show]
... Low-rated comment [Show]
!!!BERDAD!!!
March 29, 2013
201.229.18.66
Votes: +26
...

Algun cos cu Prome Minister Eman sa haci hopi bon den e casi 4 anja di GOBERNACION, ta pa MANIPULA PUEBLO cu informacionnan, GANJA PUEBLO cu e lo REDUCI e gasto di AWA y CORIENTE na 2009 cu 25.5% y na 2010 cu un otro 25.5%, MALGASTA FONDONAN PUBLICO sin misericordia na un PROYECTO INNECESARIO y RIDIc*lO manera e proyecto di TRAM, y un pago di 100 tos di miles di FLORIN na un RADIO NA PLAYA, sin tin mester, ya pa 3 anja caba, haci SHOWNAN cu algun truck di SERLIMAR y DOW pa purba na tira SANTO den wowo di PUEBLO,
komete KAPITAALVERNIETING na projectonan di DEPORTE y na PARKIETENBOS, y FIA PLACA tur caminda, pa NOS, nos JUINAN y jui di nos JUINAN bai paga!

rente
March 29, 2013
190.88.204.86
Votes: +1
...

na Aruba bo hasi of bo keda sin hasi het is nooit goed. ta na aruba so nos ta paga asina hopi plaka na interes . wak rond i compara i boso lo wak con nos ta wordo abuza door di nos banco localnan. curacao su interes pa hypotheek ta core na 6% na RBC. mientras esun RBC na Aruba ta cobrabo 9% wake up poeple

... Low-rated comment [Show]
RRR
March 29, 2013
201.229.45.87
Votes: +32
...

Pa es motibo aki cu Hulanda ta coopera pa juda hinca Aruba mas ainda den debenan cu nos no por bay paga nunca mas y pa asina nos futuro generacion no tin nada, nos tin e derecho di pone Hulanda responsabel pa e situacion financiero hopi malo di Aruba. Minister di Hulanda di firma cu smaak pa despues Hulanda tin Aruba tambe den su gara. Arubianonan ban sali fuerte y defende nos Aruba pa nos mes, nos yuinan, nos nietonan y futuro generation di e pais dushi aki cu jama Aruba.

... Low-rated comment [Show]
jos
March 29, 2013
201.229.76.63
Votes: +33
...

awel mi ta spera cu mike eman a duna nan un relato real di banco centraal di pais ARUBA i no e presupuesto cu partido avp ta entrega tur anja i al fin algabo manera ultimo cu a pasa mester a fia 500 miyon cu a desaparese manera nada i awor nan a entrega un presupuesto cu no a dende nada ainda di banco central of di rekenkamer si e ta realistico ja ta cla pa subi mercado pa busca mas prestamo pa hiba pais ARUBA anos pueblo pagador di belasting den mas debe

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter