Tuesday, 22 July 2014
Ex Politico Kortenhorts: Impresiona cu maneho sostenibel cu Aruba ta hibando Print E-mail
Sunday, 31 March 2013 14:12

IMG 4681 Medium

Den e seminario “Investment Opportunities in Sustainable Aruba” na Hulanda, e delegacion di Aruba encabesa pa Prome Minister Mike Eman, a topa caranan conoci, manera di e ex politico Jules Kortenhorst, kende awor ta CEO di Topell Enegery.

El a keda masha impresiona cu tur loke Aruba ta haciendo mientras cu e ta lamenta e falta di liderazgo di Hulanda cu tin apenas algun aña trahando riba maneho sostenibel. “Hopi impresionante mi a haya loke Minister President Eman y su team a hinca den otro, pero tambe un direccion inspirador, cu hasta Hulanda por tuma e ehempel aki,” Kortenhorst a cuminsa pa bisa. Na Hulanda e situacion di energia duradero ta na apenas 4%. “Tur loke nos a sinti falta di dje den ultimo aña ta un liderazgo visionario y e compromiso di henter e comunidad, manera ta e caso awor na Aruba. Pami sigur e tabata un encuentro hopi inspirador.” E ex politico a agrega, cu e maneho cu Gobierno di Aruba, ta trece oportunidadnan economico grandi pa e isla y pa e bira modelo pa paisnan grandi. Hiba un maneho den e direccion aki, na su opinion, no ta algo facil. No solamente mester e direccion cu ta bay y pakico, pero tambe mester surpasa algun barera. “Den e caso di Aruba, ta trata di un comunidad chikito, pero toch e ta un caminda dificil. Pero door di e costonan halto di coriente na Aruba awor, e isla den futuro por crea oportunidanan economico atractivo y alabes un bon ehempel pa otronan,” el a indica. El a bisa tambe di ta masha contento pa mira con Aruba ta trece hunto tur e elementonan di energia duradero. Na final el a lamenta cu Hulanda no a demostra suficientemente un maneho cla riba e tereno aki, tabatin demasiado cambio. Loke ta mira awor ta cu e dos ultimo Gabinetenan a duna indicacion di a cuminsa traha, pero e ta spera cu nan por demostra bon cla cual ta e direccion cu nan kier bay cune pa Hulanda. Di e manera aki, e companianan priva lo por sa cu siguransa, cual caminda nan tambe mester scoge. Pesey ta masha importante den caso di Aruba, un maneho y vision di largo plaso, cu ta duna e companianan confiansa pa por inverti pasobra nan sa cual ta e caminda pa cana.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter