Monday, 28 July 2014
UPP: Intencionnan serio pa den un proximo gobierno realisa ideanan na bienestar di pueblo y di pais Aruba Print E-mail
Monday, 01 April 2013 08:31

upp

Den seno di fundadornan y prome sostenedornan di Partido Patriotico Progresista – U.P.P., ta reina un satisfaccion y alegria pa e manifiesto di Partido yama “Proyecto Nos Patria” cu ta den proceso di finalisacion. E manifiesto aki ta inclui puntonan di salida di U.P.P. cu ta basa riba norma- y balornan importante pa partido.

Tambe ta inclui e programa cu partido UPP ta bai eleccion cu ne. Den e ultimo lunanan masha hopi trabao a wordo hinca den e preparacion di e manifesto aki, cu pronto U.P.P. lo presenta. E puntonan menciona den e manifestio aki sigur ta puntonan di salida cu otro partidonan sigur mester considera den caso cu nan lo kier forma un posibel cooperacion cu U.P.P. U.P.P. su base ideologico ta Social Democrata, den cua conservacion, proteccion y defensa di nos norma- y balornan ta clave. U.P.P. ta kere den Dios, Patria, libertad, igualdad, integridad, respet mutuo, solidaridad y convivencia di ciudadano, democracia participativo, husticia social, educacion, conservacion y fomentacion di norma- y balornan, amor y conservacion di nos cultura, Papiamento, naturalesa, mescos cu integridad y dignidad personal, di mucha, famia y di comunidad. Basa riba e norma- y balornan aki di Union Patriotico Progresista, y pa duna e “Proyecto Nos Patria” contenido, ta esencial pa como partido nos tin nos puntonan di salida bon defini. Esakinan por wordo parti riba tres tereno, cual ta libertad politico di e ciudadano y di henter nos pueblo, e condicionnan basico di seguridad social pa un biba humano, y nos autonomia politico. Pa loke ta e libertad politico di nos ciudadanonan, saliendo for di e punto di bista cu e ser humano ta central, nos comunidad mester ta basa riba igualdad y libertad, unda nos fe ta esencial y determinante pa por tin un bon gobernacion. U.P.P. ta kere cu e fortaleza di nos patria ta nos hendenan y nan dignidad. Libertad, habilidad y responsabilidad di cada ciudadano mester wordo respeta. Hunto cu igualdad, mester logra e solidaridad y convivencia entre nos hendenan, cu ta permiti nos biba manera ruman cu otro, buscando ideanan nobo y innovativo pa nos por enfrenta y surpasa e dificultadnan di futuro. U.P.P. ta sostene e creacion y mantencion di un sociedad, unda cu e hende ta sintie envolvi y critico, promoviendo asina un sociedad democratico y duradero, y unda cu no tin lugar pa e cultura di miedo. Cada ciudadano sin distincion di raza, credo, sexo, edad, of cualkier incapacidad, tin e mesun derecho, oportunidad y obligacionnan, mientras ta stimula union y solidarismo bou tur nos hendenan, cualkier sea nan origen y cultura, por medio di un integracion real, saliendo for di cultura y tradicionnan, idioma Papiamento, norma y balornan di Aruba. U.P.P. ta sostene democratisacion di nos comunidad y e sistema politico, basa riba un democracia berdadero, protegiendo e fundeshi democratico di Aruba y su estado di derecho, promoviendo transparencia, bon gobernacion, interes y consciencia politico, pa medio di mehoracion, renovacion y reformacion di nos sistema politico y di gobernacion, y di dunamento di servicio eficiente dor di instancianan gubernamental y maneho di finanzas publico responsabel. Gobierno mester tin un sistema fiscal simpel pero severo, cu lo mester hasi posibel cu e ciudadano por probecha lo maximo di loke cu e ta gana, mientras cu Gobierno ta haya e parti cu ta toke pa asina ehecuta maneho, plannan y servicio na bienestar di tur esnan cu ta riba e baranca aki, tanto e habitante- como e bishitantenan. Mester ta un sistema husto na unda cu ningun ciudadano ta wordo previlegia riba e otro. Den e mesun sentido aki tambe punto di salida di U.P.P. ta, cu e partido ta habri pa tur hende cu ta identifica nan mes den e principionan di e partido, unda cu e partido ta pertenece na e miembronan di partido, y unda cu e sucesion di liderasgo no ta basa riba sistema di herencia (famia). Otro punto di salida tambe ta cu tur miembro di partido, na momento di ocupa un puesto publico sea den parlamento of na nivel di gobierno, lo mester entrega un declaracion di propiedad y bienes, mescos tambe di debe, na Controlaria General, tanto na comienzo como na terminacion di su periodo. Y finalmente, pa minimalisa influencia aheno, partido ta sostene introduccion di un ley di financiamento di partidonan politico, asina eliminando donacion politico, na bienestar di e democracia di nos pais. Den e siguiente dianan U.P.P. lo anuncia inicio oficial di su campaña, na unda nos lo bini mas den extenso riba nos manifiesto y plan di accion. Por tuma contacto cu U.P.P. pa medio di e-mail uppprogresopaaruba@gmail.com pa cualkier pregunta of sugerencia.

Comentarionan (5)Add Comment
Maria Boekhoudt
April 02, 2013
201.229.30.243
Votes: +1
...

Randolf,

UPP ta consisti di hopi otro personanan bandi Booshi cu a contribui na e programa, zowel personan interno cu sostenedornan externo. Dus tene esey na cuenta promer cu bo critica UPP.
Y berdad, por ta Booshi su manera di hiba discurso no ta convencional pero bo sa kiko bo tin na dje y pakiko e ta para. Tanto bal bo tin un politico cu ta hiba discurso masha bunita pero cu ta hiba un maneho cu ta subi e debe nacional na un velocidad alarmante (lesa rapportnan di Banco Central) di cual consequencia )abo tambe lo tin cu carga den forma di medida, cu bo gusta of no.
Lugar di sinta na banda y critica, nos como patrioticonan uni a tuma e iniciativo pa cu e mandato di pueblo traha den bienestar general di un y tur , cual ta inclui bo persona y bo yuinan tambe.

Maria Boekhoudt UPP

Randolf
April 01, 2013
201.229.29.126
Votes: +11
...

Loke ta e comunicado di Booshi sigur sigur nos lo considere cu un "1 april grap" Ki dia Booshi a mustra madurez politico den su discurso nan tanto paden como pafo di parlamento. Su grito nan yena cu rabia y odio y mas pio a hamber y sed pa poder. Booshi ta un di e persona nan cu si bo no bay di accuerdo cu n'e anto bo ta contra di dje y esey ta e simiya di e partido MEP.

... Low-rated comment [Show]
Chomois
April 01, 2013
201.229.86.230
Votes: +20
...

E "You Pee Pee" aki ta un fata morgana, un doodgeboren baby (abortus provocatus). E Boochi aki no tin ni dos placa di credibilidad, ni di sinceridad, ni di confiabilidad etc.; nada e tin! Anto riba dje falso tambe! smilies/angry.gifsmilies/angry.gifsmilies/angry.gif

jetboy
April 01, 2013
201.229.37.225
Votes: +1
...

mi ta spera cu esaki no ta un 1 April mop

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter