Tuesday, 23 September 2014
Evelyn Wever-Croes (MEP): Aruba su Gobierno no ta saludabel, escandalo tras di escandalo Print E-mail
Monday, 01 April 2013 09:36

184320 1935072935725 1209371140 32409814 5911682 n

Durante conferencia di prensa di MEP ultimo lider di e partido geel a elabora riba e hecho cu Gabinete Mike Eman no tin un gobernacion saludable. El’a anuncia cu den e proximo simannan e lo sigi elabora riba con insaludable e gobierno aki ta, con putro e gobierno ak ta. Gobierno di Mike Eman ta wordo asota pa un escandalo tras di otro, segun lider di MEP Evelyn Wever-Croes.

Y e escandalonan aki ta refleha malo especialmente riba e lider di e pais, Mike Eman pasobra e no ta tuma accion. Y esaki ta hasi e gobernacion uno insaludable. Wever-Croes ta referi aki na e escandalonan cu ta asotando e gabinete Mike Eman AVP TA LABA PLACA E caso di labamento di placa den partido AVP ta un escandalo hopi grandi. Un parlamentario mester a tuma su retiro pa motibo di ta wordo investiga pa labamento di placa, y tin un minister tambe envolvi hunto cu mas miembro di parlamento di partido AVP. Tur esaki ta draai rond di placa ricibi di Curacao procedente di labamento di placa, y ta relacionba cu benta di tereno di gobierno. Aparentemente tin parlamentarionan cu a ricibi commission hopi halto bow mesa, pa logra e benta aki, y te hasta tin indicacion cu lo mester a reparti e commission aki cu un minister. Mientras cu tur dia tin speculacion nobo, e lider di e partido, alabes lider di e pais, ta prefer sconde, y no duna cara na pueblo. den momentonan asina ta hopi importante pa e lider di e pais demostra curashi y liderasgo, y rechasa tipo di practicanan asina. Mike Eman su unico reaccion riba e escandalo aki di labamento di placa den su partido tan a momento cu el’a enganja e pueblo aki cu e parlamentario a tuma su retiro pa motibo di salud, mientras e tabata sa cu e ta enganjando un pueblo. Mike Eman no ta honesto, pero tampoco e tin curashi ni liderasgo. AVP TA PROMOVE CONFLICTO DI INTERES E escandalo di labamento di placa no a ni pasa ainda, ora cu otro escandalo a bati na porta di partido AVP: e escandalo cu e Minister di Salubridad a sera dealnan miyonario relaciona cu hospital, sin tene destaho y sin e tranpraencia necesario, y awor ta resulta cu el’a deal tur esaki cu su companjera di bida. Ta trata di convenio sera cu Slotevaart Ziekenhuis y HOH Hospital, y pa cual e minister kier a hinca Korsow tambe aden. Pero e specialistanan na Curacao a para e asunto mesora, y tur esaki a laga un sabor amargo atras. Awor segun corant de Telegraaf e Minister Visser tin un relacion amoroso cu e persona cu cual el’a sera e deal miyonario di hospital. Riba dje minister Visser ta e ehempel clasico di conflicto di interes den henter Reino y politiconan Hulandes a cuminsa cuestiona esaki. Awor ta bin esaki aserca. Y kiko Prome Minister di e pais aki a hasi den e escandalo aki? El’a keda scondi, e ta prefera di evita di duna comentario. Demostrando asina un biaha mas su falta di curashi y liderasgo. “Si ami tabata lidera e pais aki, asina cu e prome rumornan a cuminsa, lo mi a sali padilanti mesora y enfrenta mi pueblo. Demostra pueblo cu ami REALMENTE no ta acepta tipo di actonan asina, y lo mi a distancia mi mes imediatamente di e escandalo aki y suspende tur esnan envolvi pendiente e investigacion. E falta di curashi y liderasgo di Mike Eman den e escandalonan aki ta demostra cu e no ta un lider REAL cu e pais aki merese”, segun Evelyn Wever-Croes.

Comentarionan (17)Add Comment
Save your nonsense
April 02, 2013
201.229.17.45
Votes: +1
...

Nos tin di apprecia nos politico nan Evelin ta un di nan /E ta e prome hende muher cu un puesto asina duna su balor.Kwa politico ta santo..esun cu ta, tira e prome piedra.No ta e su c*lpa of c*lpa di otro partido cu abo como lesado tin di c*lpa,c*lpa bo mes...con sabi bo ta of con bobo...Ami ta desea tur nos politico nan suerte...si abo ta kritica nan bin cu un mihor idea ....Biba Aruba

Think Positive
April 01, 2013
201.229.83.201
Votes: +5
...

To our government. When people insult you, don’t take offense,don’t take it personally, but do listen to their words. They are telling you how they see the world, and they are telling you the exact negative qualities that they posses.
‘The law of the mirrors” states that one can only see what is in them, regardless if it is what is actually present in the reality or not.
Release the need to defend or try to explain to them that you are not being whatever they have thrown at you, but evaluate instead all of these insults, and realize that this is who they really are.
Then, decide if a person with those qualities is one who you’d like in your life or not.
Evelin I think is time to wake up and smell the morning breeze, please start to run politics in a professional way, respect others and others will respect you, be positive!!

Bounty Hunter
April 01, 2013
201.229.12.109
Votes: +0
...

Hahaha,ewc ta illuciona si e tbta lidera e pais aki? Pa bo no sigui illuciona y deliria, na man di e Pueblo inteligente aki hamas esey lo sosode, madam toilet. Te ainda bo no por a ni bisa PAPA,RUMAN,TANCHI Y AMIGONAN TOPCATS DEDE LARGO pa stop di cobra plaka di Pueblo pa huur di lugarnan bashi, cu abo y bo famia a traha cierto clausulanan den contractnan pa boso sigui djòdjò riba custia di pueblo. Esey no ta un forma moderno di "ATRACA" plaka for di caha di pueblo??? BBA Bank, cu ki plaka e Banco ey ta opera??? Plaka HORTA, STRIKA Y LABA??? Bo famia no a bira MIYONARIO riba custia di Plaka di Pueblo?? Contesta eseynan promer cu bo kier asumi cosnan cu bo mes ta bisa ta Spec*lacion. Di berdad bo ta mescos cu e rioolnan rond di bo. Che,vies bo ta!!

... Low-rated comment [Show]
Don Leo
April 01, 2013
80.101.169.165
Votes: +1
...

This is the reason why I will vote AVP next election. This government has not done too bad, but the options are worse. I will stick to AVP.

El mono q llora
April 01, 2013
201.229.14.241
Votes: -1
...

Ki dia bo a bin dilanti di pueblo y para splica pueblo kiko bo lo hasi pa cu e hurnan di edificionan manera loco cu bo famia? Eynan no tin conflicto di interes? Esey no ta escandalo. Muher donder op cu bo escandalo y hasimento di politica manera shishi.

... Low-rated comment [Show]
... Low-rated comment [Show]
Randolf
April 01, 2013
201.229.29.126
Votes: +9
...

E politica di asumi y spec*lacion sin pia sin cabez tin e pueblo aki FADA. No por tin politico nan cu bon studio o por lo menos cu inteligencia cu por pensa con ta bay traha pa hiba e pais aki padilanti y traha ariba paz y harmonia pa e pueblo aki? Tur siman e mes un storia di cla pa piedra manera un cos cu nan ta liber di tur pica! E politica estilo Farizeo aki nota na bienestar di nos pais!!!!!!

Arubiano Realistico
April 01, 2013
201.229.12.120
Votes: +0
...

Sra. E.W.C. ta kennan ta bo consejeronan ? E mesun cacique biewnan di Nel y su compinchinan ?
Si bo ke logra algo den politico, cuminsa di deshaci bo mes di e caciquenan aki y busca (si bo por haya anto) poco hende cu caracter y principio y no manera esunan cu bo tin rond di bo awor.
Bo tin di stop di siqui cu e mesun moda di hiba politiek manera Nel y su hendenan. Weita unda nan a yega y abo ta bayendo e mesun caminda.
Si bo ke logra algo anto cambia bo strategia y bira mas positivo !

... Low-rated comment [Show]
Berdad Picante
April 01, 2013
201.229.59.99
Votes: -1
...

Awor manera un porco sushi ta busca muraya limoi pa frega su lomba. Awor cu gobierno Hulandes a duna tur confianza y credito pa e excellente trabow cu e gobierno di AVP ta bin ta hasiendo. NO tin issue mas di estado financiero y economico, cu poko amateur ta predicando, awor ta trese Spec*lation, redo y caba condena hende manera cu ta nan mes ta juez loke ta nan ta CAMPION aden, ESCANDALO,

The Observer
April 01, 2013
201.229.43.174
Votes: +13
...

Si nos actual prome minister no tin un bon team pa por traha optimal, ta su mala suerte. Hecho ta cu su propio visionnan ta hopi bon. E unico forma pa optimalisa democracia di berdad, ta pa medio di prohibi financiamento di campaña politico: pone debate so riba plan di gobernashon, y nada mas. Tanten cu financiamento ta wordo permiti pa ley, fiesta diabolico ta sigui...ta comercantenan grandi ta keda manda riba gobierno. Tin hasta papiá cu tin comerciantenan grandi cu ta sponser tur partido politico pareu pa asina sigura nan poder despues di elechon. Dus saca som...

SiLeNcEbOnE
April 01, 2013
201.229.70.42
Votes: +0
...

Bosa tin biaha ora di investigacion bo no mester kore hinka bo boka den kuenta... laga investigacion kana su kaminda anto ora eta kla anto e ora bo por papia algo.. awoki bo ta bezig ta stroba un investigacion anto papia kosnan ku bo no sa si ta berdad ofno, of kubo no tin prueba concreto riba dje ainda... lage kana su kaminda prome bo papia...

EWC 2
April 01, 2013
201.229.42.235
Votes: +14
...

haaaaay EWC stop di cansa hende ombo, bay traha riba un plan pa GOBERNA e pais ki, bo ta keda hasi coi mucha di 3 anja tira piedra, ki ta bo REGEERPLAN!!! KIKO TA BO REGEERPLAN!!

condorito
April 01, 2013
201.229.66.8
Votes: +17
...

I mientrastanto EWC ta haci bon uso di loque e mes ta admiti como "Spec*lacion" pa pusha palo bou candela i purba di score politicamente, un manera deshonra di praktica politica i demagoog.
Si a caso e parlamentario lo a admiti den seno di su partido cu e ta involvi den actonan contra ley, e lo a mustra cu AVP tin e curashi di pidi su retiro i alaves "clase" pa no expone publicamente prome un juicio realmente lo a prueba c*lpalidad. Alcontrario na MEP, unda Juez mes a cuestiona dicon esnan cu tabata responsabel (Booshi) ta untouchable.

klarina tromp
April 01, 2013
201.229.6.26
Votes: +27
...

Sra. "E.W.C" partido MEP y Gobierno anterior di MEP tabata pata pata di escandalo.....lenga den orea, hit and run, batimento di muher, en ga zo door......y pa nos no lubida dia ku "Papa a dal hende ku auto sigi core......

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter