Friday, 18 April 2014
Benny Nisbet (PPA): Linear Park no ta vision ni idea di AVP Print E-mail
Monday, 01 April 2013 14:07

Benny Nisbet001

mandatarionan na e asina jama apertura official di Linear Park partido PPA a dicidi di emiti e comunicado di prensa aki. Na prome lugar Ministronan di AVP cu a hiba descurso na e apertura aki ta hasciendo como sifuera cu “Linear Park” ta un vision di partido AVP y muy enespecial un vision din an Ministro Presidente mr. Mike Eman. PPA mester saca como conclusion di esaki cu aparentemente ta AVP su politica principal di horta vision di otro.

pasobra for di seno propio di AVP NO ta nace vision ….pero cu AVP tin e specialidad di ‘presta’ pa nos no usa e terminologia ‘horta’ vision di otro. PPA por referi den e caso aki na: 1. E trein/streetcar cu ta un vision y idea original di partido PPA 2. E re-novacion di e Watertoren na San Nicolas…idea orginal di PPA, rechasa den pasado pa e propio partido AVP . 3. Construccion di un Carnavalmuseum/combina Carnavalsvillage otro vision y idea original di PPA 4. E plaza dilanti di Postkantoor na San Nicolaas…idea original y integral di partido PPA……tambe rechasa den pasado pa AVP…pa awe cu gran pretencion ejecutele como nan idea. 5. Un centro di Ensenansa ..cu PPA tabatatin intencion di ejecutele na Savaneta nos capital mas bieuw di Aruba….cual idea a worde ‘presta’ y lo worde ejecuta atrobe na Oranjestad na e scol anterior di John F. Kennedy pa AVP. 6. E vision di PPA pa muda Containerhaven for di Oranjestad pa Barcadera, crea un Barcadera Container Haven, Barcadera Free Zone y un Aruba World Trade Center…..awe AVP kier ejecutele dunando tur esaki e titulo di Green ….Green Zone…Green Trade Center…. Pero vision y idea presta di PPA cual nos meta tabata pa hasi Aruba un Hub/Puente/Gateway entre Caribe/SurAmerica y Europa. 7. Sigiendo riba e asina jam Hub/Puente/Gatewaty presenta na Pueblo como vision di AVP …vision di mr. Mike Eman ‘himself’ …cu e ponencia cu NUNCA antes otro politico/partido a presenta esaki….pero esun cu kier lesa programa di PPA for di 1985 padilanti te ultimo eleccion 2009 ta encontra e vison/idea aki como e ‘centerpiece’ di PPA su intencion… pero pueblo No a duna PPA un mandato amplio pa ejecuta esaki. Hasta AVP/gobierno Mike Eman ta organisando un projeccion di e vision di PPA “Europe meets the America’s na y for di Aruba” Idea integral di partido PPA …UNICO partido cu e vision aki..!!! Sigiendo riba e ‘essencia’ di nos comunicado…..encuanto Linear Park, PPA kier bisa enfacticamente….cu Linear Park ningun momento ta un vision/idea di partido AVP …menos aida ministro Presidente Mike Eman …ke mentira flagrante. E vision pa un Linear Park…a sali for di seno di AHATA y a worde presenta na parlamento pa gabinete Nelson Oduber como un posibilidad pa futuro. Ainda mi ta corda con fraccion di PPA a cuestiona e idea aki…como cu PPA ta mira esaki como un forma bunita di transforma e ‘area’ di turismo aki den un parke unda ta limita ainda mas e poblacion local pa bishita nos beachnan den e forma tradicional cu nos pueblo a cumstumbra di hasi. E tempo ey gobierno a contesta cu esaki lo NO ta e intencion. E vision/idea a sigui y na 2006/2007 e prome mapanan a worde presenta na Parlamento pa gabinete Nelson Oduber(MEP). Despues a inicia e proceso di aloca fondo pa por ejecutele. Y AVP a drenta gobierno na momento cu e posiblidad financiero pa ejecutele tabata tey. Pues e vision di un Linear Park NINGUN momento ….nos ta ripiti NINGUN momento ta un vision of idea for di seno di AVP y sigur no for di Ministro Presidente Mike Eman. Finalmente PPA kier ripiti nos ponencia for di e periodo 2004/2005 cu PPA tabata den parlamento den oposicion…nos PPA ta preucupa cu ora e Linear Park keda cla den su totalidad…cu pueblo lo worde perjudica den su bishita na lama manera ‘tradicional’ ta su forma. Aki nos ta referi cu tin varios sitio no mucho leeuw di nos Hotelnan …unda ta tradicion cu nos pueblo ta bai….cu pueblo por para su autonan cu ta keda visible pa nos pueblo. Nos pregunta ta na gobierno..mirando cu nos a tende cu e Segundo fase lo ta riba mesa di e architect….ta con Gobierno tin idea di evita….cu ora ‘Linear Park’ complete termina cu e NO resulta un sitio demarca unda pueblo local ta worde limita den su bishita pa lama….esaki No ta acceptabel pa partido PPA y segur pa un gran parti di nos pueblo. Turismo mester worde proteha…..pero na e otro banda pueblo No mag worde proteha cu su bishita pa lama den forma ‘tradicional’. Lo ta bon pa gobierno clarifica esaki pa pueblo den futuro cercano.

Comentarionan (10)Add Comment
Save your nonsense
April 02, 2013
201.229.17.45
Votes: +1
...

Nos mester sa si AVP ta horta cosnan di otro .Si ta asina Benny tin razon.Paso tin hopi cos cu ta saliendo awor na claridad.No ta nada stranjo cu un partido por horta algo di otro na Aruba ta normal un ta horta di otro mescos cu un bon idea di otro partido nan...ta lamenta di uza e palabra vision,empressioante ect..den e politico barata aki na Aruba pa e arubiano nan bobo..cu ta kere tur cos...si e sapato sirbibo bistie...pero un comentario riba e tema aki no ta nesesario

Hoben bibo
April 02, 2013
186.190.233.255
Votes: +0
...

Esaki ta e politiek barata dead man talking

prorubiano
April 02, 2013
201.229.35.210
Votes: +0
...

benny mester cambia su nombner pa "the vision man", kizas asina e por haya un tiki mas voto.smilies/grin.gif

Berdad Picante
April 02, 2013
201.229.115.238
Votes: +0
...

Benny tur w hendenan cu a juda bo partido cu e plannan aki a bandona bu partodo dia biew, nan a ripara cu bo ta un vampiro cu ta zeug nan pensamentonan, pero bo no ta den ningun condition pa ejecutanan ni den pasado, awor of den futuro, simpelmente pasobra politicamente bo ta morto hunto cu bo partido, bai sosega y gosa di a cantidad di pensionnan cu merecidamente bo ta hanjando.

Randolf
April 01, 2013
201.229.29.126
Votes: +12
...

Otro mas cu no ta compronde kiko ta siginifica politica y gobernacion pasobra ora bo ta drenta politica pa bay show cu pluma embez di pensa cu ora di goberna no ta un partido politico ni un politico pero cu bo ta un trahador y sirbidor di un pueblo apesar di bo posicion. No mester lubida cu ta placa di pueblo ta paga pa loke ta trata cada minister y parlamentario y unbez cu e persona nan cu ta ocupa uno di e posicion aki hinca esaki den nan cabez Aruba lo progresa pero ora cu bo ta sinta ta gaba pa bo mes un probecho bo ta actuando robez y pesey mes partido PPA hamas lo lanta cabez den man di Benny.

... Low-rated comment [Show]
ban serio
April 01, 2013
201.229.47.206
Votes: +16
...

Projecto ta di esun cu REALIZE!!!!!! Abo tambe semper tawatin un dream di bira prome minister di Aruba pero mi ta duda cu lo bo realize.

X-men
April 01, 2013
201.229.14.241
Votes: +19
...

Cua proyecto abo a bin cune? Cua bo a realisa? NIUN Benny NIUN !!! Ni pa Sanicolas bo no a hasi nada so stop di zeur !!!!!!!!!!!!!

dog
April 01, 2013
201.229.24.154
Votes: +21
...

NINGUN proyecto haci ariba e pida barranca aki no ta di NINGUN partido politico .... tur proyecto ta di ARUBA, asina ta SPOOKY baha na awa y no bai skonde atrobe despues di elecion na September.

el_caballo
April 01, 2013
46.129.105.192
Votes: +15
...

1-4-2013


vliet vliet vliet

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter