Tuesday, 23 September 2014
Aruba ta goza di un credibilidad financiero grandi cerca gobierno Hulandes Echonan ta papia pa nan mes Print E-mail
Monday, 01 April 2013 14:50

Ondertekening Protocol  Foto CNico van der Ven  01

E confiansa grandi cu gobierno Hulandes tin den maneho di Gabinete Mike Eman a keda demostra un bes mas ora lesa e puntonan di consideracion den e ‘Acuerdo di Diahuebs Santo’ cu a wordo firma na Den Haag pa loke ta re-financiemanto di e debe di gobierno di Aruba.

Un di e consideracionnan di e acuerdo aki ta bisa lo siguiente. “Pais Aruba, dentro di Reino Hulandes, ta gosa di un credibilidad hopi grandi riba tereno financiero pa loke ta mercadonan local y internacional manera a keda proba dor di institucionnan di evaluacion di credito Fitch Ratings y Standard & Poor's". Tambe den e acuerdo ta haci mencion di e echo cu Gabinete Mike Eman a logra di entrega 25 aña di atrazo di cuentanan anual di gobierno, loke sigur a haci un impacto grandi. Un otro punto esencial ta cu na 2010 a introduci reformanan fiscal riba tereno socio-economico mescos tambe cambionan structural pa yega na finanzas publico duradero. Aki ta wordo señala riba e cuadro financiero 2010-2016 cu Gabinete Mike Eman a presenta na Parlamento y cu ta forma un parti integral di e ordenansanan di ley pa yega na presupuestonan di pais Aruba. Un otro punto di consideracion ta cu ‘durante e ultimo Dialogo Social e importancia pa logra un balanced budget pa Aruba a keda ratifca mientras cu e participantenan a combeni pa institui un comision cu ta bay traha riba e pre-condicionnan y disposicionnan institucional cu ta ancra den e Constitucion pa loke ta finanza publico”. Den e ‘Acuerdo di Diahuebs Santo’ ta referi na e protocol di cooperacion cu Hulanda y Aruba a firma na Aruba na october 2011 “den cual ambos pais a base di un relacion igual y di confiansa mutuo ta duna e cooperacion entre e dos paisnan un impulso nobo. Den e protocol di cooperacion firma dor di Prome Minister Eman y ex Minister Piet Hein Donner a pone e deseo pa yega na un partnership strategico, cu enfoke riba realisacion di synergia. Esaki ta na bentaha di ambos partner”. A keda constata cu e “blokinan di construccion pa e partnership strategico aki a mira un progreso concreto riba un cantidad di tereno, di moda cu Aruba ta awor e cabez di brug entre Hulanda y Latino-America. Riba tereno di energia duradero, di tecnologia berde y di conocimento. Na e lista aki por añadi e ‘Acuerdo di Diahuebs Santo’ cu ta e cooperacion riba e mercado di capital internacional”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter