Tuesday, 30 September 2014
Minister di Finanza Hulandes Jeroen Dijsselbloem: “Confiansa den gobierno di Aruba” Print E-mail
Monday, 01 April 2013 14:58

Ondertekening Protocol  Foto CNico van der Ven  03

Minister di Finanzas Hulandes Jeroen Dijsselbloem (PvdA) a expresa su confiansa den e maneho financiero drechi y responsabel di Gabinete Mike Eman. El a haci e expresion aki durante firmamento di e “Acuerdo di Diahuebs Santo” den cua ta sostene Aruba pa haya tarifanan di interes abou riba e mercado di capital internacional. Aunke cu como presidente di Eurogroep Jeroen Dijsselbloem tin su mannan yen pa trata na frena e crisis Europeo, asina mes – pa sorpresa di e delegacion di Aruba - el a traha tempo liber den su agenda pisa – pa ta personalmente presente na firmamento di e ‘Acuerdo di Diahuebs Santo’ y pa duna informacion na prensa. ”E forma con e acuerdo aki a keda concretisa ta confirma pa mi e confiansa den e forma positivo y constructivo di traha hunto di gobiernonan Hulandes y di Aruba. Mi ta masha contento cu nos por sostene otro di e forma aki. Esaki ta hiba nos un paso mas leu den e cooperacion”, e mandatario Hulandes a bisa durante e conferencia di prensa cu a sigui. Riba e pregunta di un di e periodistanan si e no tin miedo pa haya critica for di por ehempel Tweede Kamer, ya cu e tema ‘prestamo’ ta delicado den e temponan di crisis aki ta, Minister Dijsselbloem a contesta “Mi no ta spera ningun critica. Nos ta sostene Aruba pa haya entrada riba mercadonan internacional, ya cu esaki ta brinda Aruba un bentaha di interes considerabel. Pero Aruba ta keda esun cu ta haci e prestamo y pa esaki Aruba mester cumpli cu e exigencianan diligente cu ta conta pa tur hende riba mercado di capital internacional”. “Aruba ta para garantia pa pagamento bek y pa e pagonan di interes. Hulanda no ta core ningun riesgo. Nos ta solamente e ‘catcher’ y ta subscribi riba emision di bono si ta necesario. Dor cu Hulanda ta sostene Aruba den esaki grandemente, esaki ta brinda financiadornan un extra confiansa y tin como consecuencia cu Aruba ta haya un bentaha di interes. Gobierno di Aruba a mustra claramente cu e por hiba un maneho financiero solido, pesey mes cu mi no ta kere cu ta bay tin critica riba e acuerdo aki, asina Jeroen Dijselbloem a enfatisa.Tambe el a elogia su colega di Aruba Mike de Meza y Prome Minister Mike Eman cu e echo cu ta danki na nan y dor di un preparacion gubernamental, e acuerdo a keda cla den un siman di tempo. Minister Jeroen Dijsselbloem di Finanzas ta firma e protocol mientras cu Ministernan Eman y de Meza ta wak.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter