Saturday, 20 December 2014
Gobierno: ‘Acuerdo di Diahuebs Santo’ firma na Den Haag Print E-mail
Monday, 01 April 2013 15:02
Comparti

Ondertekening Protocol  Foto CNico van der Ven  02

Trinta miyon florin a base anual, asina grandi e bentaha pa Aruba ta cu e acuerdo firma diahuebs ultimo cu gobierno Hulandes. E acuerdo aki ta haci posibel cu Aruba por re-financia debe di gobierno riba mercado di capital internacional, cu e mesun interes abou cu Hulanda tin. Actualmente Aruba ta paga un pro medio di interes di 4,6%. Danki na e acuerdo firma esaki por baha cu por lo menos 2%.

E placa cu Aruba anualmente ta paga na interes ta reduci e ora cu 30 miyon florin. Un logro cu ta destaca y cu ta muestra evidente di e confiansa grandi cu gobierno Hulandes tin den maneho di gobierno di Aruba. E acuerdo a wordo firma na den Haag dor di Minister President Mike Eman y Minister di Finanza Mike de Meza pa Aruba y pa Hulanda dor di Ministernan Ronald Plasterk di Asuntonan Interno y Relacionnan di Reino y Jeroen Dijsselbloem di Finanzas. Despues cu siman a traha riba nivel gubernamental riba e acuerdo, a tene un ultimo consulta cortico diaranzon anochi pa logra yega na un consensus. Den menos di 24 ora despues – riba Diabuebs Santo – e mandatarionan responsabel cu nan firma a ratifica e combenio. Esencial den e acuerdo aki ta cu Hulanda ta inscribi riba ofertanan publico di emision di bono di pais Aruba. Esaki cu e interes hopi faborabel cu Hulanda por haya riba mercadonan di capital internacional. Den e acuerdo aki Hulanda no ta mara Aruba na ningun condicion extra of special. Ministerio di Finanzas Hulandes a base di criterianan usual den Reino y internacional riba finanzas publico sostenibel y capacidad di paga bek, ta huzga e inscripcionnan y emision di bono. Esakinan ta e mesun condicionnan cu cual Aruba mester cumpli cu nan actualmente ora busca riba su mes placa riba mercado di capital internacional. Si Aruba no por cumpli cu e condicionnan aki, anto e ora Hulanda ta mantene e derecho pa no inscribi pa e bononan, asina a keda acorda. E “acuerdo di Diahuebs Santo” ta brinda Aruba e occasion pa reduci mas lihe e deficit presupuestario. Na october di 2009, ora cu Gabinete Mike Eman a tuma gobernacion over, el a bin hereda di e gobierno anterior un deficit presupuestario structural cu riba dje tabata creciente. E deficit aki tabata suma 400 miyon florin. Danki na un maneho cu a concentra su mes pa baha e deficit aki, den tres aña di tempo a reduci e suma te na 225 miyon florin. Gabinete Mike Eman a pone su dilanti pa na 2016/2017 realisa un presupuesto ekilibra y duradero. E “acuerdo di Diahuebs Santo” ta resultado concreto di e protocol cu a wordo firma entre Prome Minister Mike Eman y minister di e tempo ey Piet Hein Donner na luna di october 2011 na Oranjestad pa, a base di ‘igualdad y confiansa mutuo’, intensiva e cooperacion cu tin y fortifica otro riba varios tereno. Cu e acuerdo firma na Hulanda pa hunto subi mercado internacional di capital, e mandarionan presente, a subraya cu e acuerdo aki ta otro muestra cu ta existi ‘igualdad y confiansa mutuo’ entre e dos paisnan.

album album album

Comentarionan (1)Add Comment
streya
April 01, 2013
201.229.42.104
Votes: +17
...

kier meen cu awor por kita bbo complete?duna ambtenaarnan loke nan a perde dor di mal maneho di APFA?Gobierno?baha interes riba studielening na 2% tambe?etc.etc.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter