Wednesday, 03 September 2014
Minister Plasterk “Aruba ta energico. Mi ta impresiona cu e forma con Prome Minister Eman ta traha pa su pais” Print E-mail
Monday, 01 April 2013 15:05

Ondertekening Protocol  Foto CNico van der Ven  09

Minister Ronald Plasterk (PvdA) di Asuntonan Interno y Relacionnan di Reino tabata mes hopi contento cu Prome Minister Eman cu e acuerdo di cooperacion riba mercado di capital internacional firma entre Aruba y Hulanda.

“E siman aki mi a keda un bes mas impresiona cu e forma con Prome Minister Eman ta traha pa su pais. E ta haci esaki cu alma y cuerpo”, asina Plasterk a comenta durante e conferencia di prensa cu a sigui despues di a firma e ‘Acuerdo di Diahuebs Santo’ cu ta brinda Aruba un bentaha di interes cu por yega te na 30 miyon florin pa aña. “Palabranan di felicitacion pa e forma con esaki a wordo haci ta na nan lugar aki. Esaki ta un ehempel den Reino con cuatro pais, cu dor di historia a wordo treci hunto, por crea un balor adicional cu cual nos por mehora e bida di e hendenan”, asina e mandatario a bisa. Plasterk a para keto tambe un rato na e concepto Gateway Aruba y e conferencia ‘Europe meets the Americas’ cu ta wordo teni di dia 5 te cu 8 di mei na Oranjestad, Aruba. “Ta facil pa bisa cu bo kier ta un gatway entre Europa y e Americanan. Si bo bisa cu bo kier ta e trampolin pa Latino-America, mesora e pregunta ta surgi ‘Con bo kier haci esey? ’E contesta ta: Dor di traha duro, dor di apela na e sentimento di un lista impresionante di empresarionan cu ta mira den direccion di Latino-America y haci e pregunta ‘Di con boso no ta bay eynan y haci negoshi via Aruba. Aki bo ta wak evidentemente un situacion win-win. Pa Hulanda, pa empresanan Hulandes y pa Aruba”. “E forma energico con Aruba ta trahando ta e manera pa trece bienestar y prosperidad pa e isla y su hendenan. Pesey ta necesario pa finanzas publico ta na ordo, pesey ta necesario pa e economia crece y pesey ta necesario pa inversionistanan di afo tin confiansa den loke ta sosode na Aruba”, Plasterk a bisa entusiasma. Mescos cu su colega minister di Finanzas Jeroen Dijsselbloem e tambe a expresa su confiansa den maneho di Gabinete Mike Eman. “Mi ta contento cu nos a firma e protocol aki”. Firmando e ‘Acuerdo di Diahuebs Santo’ gobierno di Hulanda ta duna muestra di e confiansa grandi cu e tin den maneho di gobierno di Aruba.

album album  

Comentarionan (4)Add Comment
Cashero Conneccion
April 16, 2013
201.229.93.194
Votes: +0
...

Aparentemente tin hopi hende cu tin miedo di e cos aki y tur ta insulto so nan por trommel op pa defende nan causa! Hahaha!

Sra Husticia desbalanza
April 02, 2013
201.229.48.194
Votes: +3
...

Miseria presidente di Aruba ta frega riba dje, kruis op kruis, pero no lubida cu e otro su plasser ta mas sterk.

... Low-rated comment [Show]
jos
April 01, 2013
201.229.74.101
Votes: +31
...

mas fanfaria di gobierno di avp , spera esaki no ta mescos cu union europeo twt confia pais nan manera entre otro Espanja , Grecia i Cyprus cu despues ta resulta den desaster pa e paisnan http://www.shelteroffshore.com...nomy-11129

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter