Friday, 24 October 2014
Minister Otmar Oduber: A cumpli cu compromiso pa protehe e clase trahador cu ta biba di un Salario Minimo Print E-mail
Monday, 01 April 2013 19:37

otmar cumpli

Minister Otmar Oduber ta sumamente contento cu e resultadonan satisfactorio encuanto e aprobacion di e ultimo dos cambionan den ley laboral. Manera ta conoci e mandatario y su team di expertonan tin mas cu un aña trahando riba modernisacion di nos leynan laboral. Finalmente a logra cu tur e cinco leynan laboral cu ta na beneficio di e clase trahador a wordo aproba door di Palamento pa drenta na vigor desde 1 di april ultimo.

Un cambio sumamente positivo pa e trahador ta regarda e Ley di Salario Minimo. E cambio di e Ley di Salario Minimo lo ensera cu desde awor no por conta entradanan cu ta deriva di tips ni tampoco "maaltijdvergoeding" y "loon in natura" pa calculacion di e salario minimo. Tur tipo di componenentenan aki mester bin adicional ariba e salario minimo. Minister ta di opinion cu e salario minimo mester ta full den placa. Manera e situacion tawata te 1 di april 2013, e salario minimo por a consisti tambe di e componentenan menciona. E mandatario ta para firme tras di e pensamento cu e trahador di menos entrada no por keda atras, na momento cu nos economia ta bayendo den bon direccion. Un otro cambio positivo den e Ley di Salario Minimo ta cu a regla e salario minimo pa trahadornan cu ta traha menos cu 40 ora pa siman. Door cu esaki no tawata regla, tawatin abuso ta tuma lugar. Desde 1 di april ta conta cu e salario minimo di e empleado cu ta traha menos cu 40 ora pa siman tin derecho riba un salario minimo cu ta wordo calcula "naar rato" di e salario minimo normal (cu ta basa riba un siman di trabou di 40 ora). Por ehempel: e salario minimo pa un trahador cu ta traha 32 ora pa siman ta un 4/5 (80%) di e salario minimo y un trahador cu un siman laboral di 36 ora lo bai cas cu 90% di e salario minimo. Cu e cambionan aki, Minister di Labor ta cumpli cu otro compromiso importante cu e clase trahador. E mandatario ta mira esaki como un incentivo pa e trahador por funciona mas productivo mirando cu e lo por gana mas na final di dia. Minister Oduber su obhetivo principal pa introduci e cambionan den e ley di salario minimo ta pa duna tur trahador e oportunidad y garantia di por conta cu un salario minimo cu ta husto y socialmente aceptabel pa por cumpli cu su necesidadnan primario di bida diario.

Comentarionan (3)Add Comment
congoMan
April 02, 2013
74.82.64.18
Votes: +2
...

E ley aki lo conta si bo ta traha den timeshare I solamente bo tabata cobra bo comishon? Paso te cu luna pasa, bo ta hanja salario minimo si bo no bende nada, I si bo bende algo e tabata wordo kita for di e salario minimo, dus nos solamente tabata cobra e comishon di nos bentanan, I nada mas si e comishon surpasa e minimum loon!

wel wel
April 02, 2013
208.87.233.180
Votes: +1
...

si ta berdad ta algo hopi pero hopi bn di berdad mes paso hopi hende riba aruba ta wak un waiter pa un money maker paso e ta haya tips pero wak mayoria di nan salario 700 pa 800 awg pa luna danki di berdad si e ley ta na vigor

wht goes around..
April 01, 2013
201.229.59.102
Votes: +3
...

hasi e cambio di ley 2 di April: riba 1 e ta un joke,danki .BTW e ta un dia liber pa ambtenaar ,so e ley no ta bai pasa sigi ganja. Hendenan cu salario minimo wak bo payslip bon ! 'iets erbij en daar 'iets eraf !'Pasa un felis dia...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter