Tuesday, 02 September 2014
Minister di Turismo Otmar Oduber: Contento cu e apertura di Ritz Carlton lo significa bon resultado pa turismo y forsa laboral di Aruba Print E-mail
Monday, 15 April 2013 15:44
DSC_2063
Minister di Turismo, Otmar Oduber, a keda sumamente contento despues di a reuni cu e Gerente General di Ritz Carlton Aruba, Sr. Roberto Grisi, cu a tuma e tempo pa duna e mandatario un indicacion di e progreso di e trabounan na e hotel.

Aki a crea un relacion hopi importante na beneficio di destinacion Aruba pero tambe pa e cadena hotelero di lujo Ritz Carlton, e mandatario a splica.

Ritz Carlton ta agrega un nivel nobo di lujo na e isla di Aruba. E ta e unico compania den area di servicio cu a gana dos vez e prestigioso Malcolm Baldridge National Quality Award cual ta reconoce servicio excelente na e cliente. Minister a expresa cu e ta extremamento entusiasma pa Ritz Carlton join Aruba su sector hotelero. “Mi ta sigur cu elo impulsa henter e sector turistico di e isla pa eleva nos nivel di producto y servicio pa un nivel mas halto.”

Diaranson, Minister Oduber, conhuntamente cu CEI di ATA Ronella TjinAsjoe, CEO di AAA Peter Steinmetz y CEO di AHATA Jim Hepple a haya un recorido den Ritz Carlton pa experiencia e desaroyo den construccion y e pasonan cu ta wordo tuma pa asegura e apertura cu lo tuma lugar 2 di november 2013. Den e cuadro aki, e mandatario a indica cu Gobierno di Aruba conhuntamente cu e departamentonan concerni lo sigui brinda e sosten necesario.

El a bisa tambe cu Gobierno di Aruba, naturalmente, ta sumamente satisfecho cu e relacion cu a crea cu Ritz Carlton y ta desea di continua den e direccion aki tambe. Una bez cu Ritz Carlton habri su portanan riba nos isla nos mester percura pa esaki ta uno exitoso.

Minister Oduber a keda cu un bon impresion despues di e bishita cu el a haci y ta splica cu e calidad di turista cu Ritz Carlton lo trece ta di calidad halto cual ta loke Aruba semper tabata desea.

Den cuadro di e trafico pa cu Aeropuerto di Aruba, Peter Steinmetz, Director di AAA a splica cu ya ta mirando e posibilidadnan cu tin habri pa vuelonan extra. Tambe a conversa riba e plannan nobo cu AAA ta trahando riba dje den coneccion cu e apertura di Ritz Carlton y asina aki mehora e servicio na Aeropuerto.

Cu e yegada di Ritz Carlton Aruba lo bay conta cu 320 camber adicional riba mercado.  Segun Sra. Tjinasjoe, ATA a haci diferente analisis pa calcula e ocupacion pa aña 2014. Pues ta premirando pa e proyecto aki so un cantidad di bishitante adicional di minimo 6%.

Minister Otmar Oduber, cu su di dos petchi como Minister di Labor ta splica cu e apertura di Ritz Carlton lo contribui na nos forsa laboral cu mas di 600 cupo di trabou. Esaki lo contribui na elemina e fenomeno di desempleo practicamente por completo, mientras cu ta agrega un producto nobo cu un calidad hopi halto pa Aruba.

dowers dowers dowers

Comentarionan (3)Add Comment
Paulina
April 16, 2013
190.104.99.9
Votes: -1
...

E empleyado nan di ex valero mes por i bay buscaanan pan. MinPress no tin nada di hacie pa bo. Anto e prpojecto di ritz carlton ta di AVP. Punto uit.

Pueblo na Pecho
April 16, 2013
80.56.81.30
Votes: +3
...

Otmar ta hasi manera cu e projecto aki di Ritz Calton 5 strea ta un projecto di su partido. Tanto cu nan di AVP a critica e pregicioso projecto ki, pa mira awor e beneficio cu ta bai hanja door di projecto aki di MEP.Si AVP a bin cu e projecto aki no ta problema, pasobra ta Aruba ta hanja beneficio di dje, cupo di trabow, mas toerista di halto calidad cu e hotel ta ofrece. Den comencio ba kritica e projecto'ki cu MEP a bin cu ne. Si ta AVP a bin cu ne, fine. Pasobra ta un Aruba nos ta. Nos ta traha pa nos por cria nos famia y pa Aruba progresa sigurmente cu e hospitalidad cu nos ta brinda nos toeristanan. Pesey no pronk cu e idea cu ta abo a trese e projecto'ki.

De Waarheid
April 15, 2013
201.229.67.32
Votes: +1
...

Amigo Otmar, con a para cu tur e trahadornan di Valero.
Minister ba libida nan tur, asina ba cada pa Tuna nan un man.Ni un rato DPL a haci algo pa e grupo grandi aki, e unico palabra cu mi por usa ta tristo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter