Monday, 24 November 2014
Juwana Morto Complex pronto ta wordo entrega Gabinete Mike Eman a percura pa San Nicolas tambe sinti e cambio Print E-mail
Monday, 15 April 2013 17:15
Comparti

VILLAGE

Na momento cu Gabinete Mike Eman a drenta Gobernacion, a haci un promesa cu e cambio y renobacion pa mehora producto Aruba mester yega den tur skina di e isla. Inclusive San Nicolas cu a wordo neglisha pa añanan largo.

Cu e programa di BoBario, Prome Minister Eman kier a logra mehora calidad di bida di tur e ciudadanonan den e barionan di Aruba. Juwana Morto Complex un bario construi mas cu 20 aña pasa, sigur no tabata brinda e ciudadanonan un bon calidad di bida. Principalmente pa motibo cu e no tabatin siguridad ni trankilidad door di falta di iluminacion, acera pa peatonnan cu no tabatin y tampoco area di recreacion. E bario a wordo rediseña, cu cooperacion di e ciudadanonan, pa cuadra cu e normanan di e siglo aki. Awe tin di e casnan a wordo remodela cu hasta panelnan solar riba dak. Awor ta asina leu cu e proyecto a finalisa y ta wordo entrega den e proximo dianan. E ta awe un joya di bario, cual concepto lo wordo hiba den otro barionan di Aruba. Ta trahando riba embeyecemento similar na Madiki caba. Un otro ehempel di cambio grandi cu Gabinete Mike Eman a realisa pa San Nicolas ta renobacion di Village, cuminsando for di unda tabata edificio di DOOV. Si antes tabatin simplemente un caminda, awor a construi un parke (net patras di Postkantoor, prome cu entrada pa Sint Maartenstraat). Un parke cu ta wordo bon uza tanto door di hoben como adulto pa relaha y disfruta di e ambiente. Gobierno a percura pa inmediamente rond di e parke trece cambionan, manera construccion di un rotonde na inicio di Sint Maartenstraat pero e propio caya aki tambe a wordo completamente renoba, pa crea camindanan di un solo direccion. A planta matanan grandi pa trece un miho ambiente y alabes brinda sombra. Casnan a haya area di para auto y un caminda nobo. Un cambio 100% pa cual a mehora calidad di bida di e habitantenan. Den e siguiente fasenan di renobacion Village, otro areanan lo conoce e mesun cambionan. Otaheitistraat, situa net patras di Community Pool, ta otro area residencial cu a wordo embeyece, cu aceranan di klinkers. Si antes habitantenan tabata biba den stof, awe e muchanan por sinta pafo cu nan laptop y conviviendo trankil cu bisiñanan. “Gobierno a priminti cu e lo mehora San Nicolas y ta trahando riba esaki. Nos a duna prioridad na e areanan di San Nicolas cu mas tabatin mester di e cambio, manera Village y De Vuyst,” Prome Minister Eman na varios ocasion a bisa. De Vuyst cu ta un area cu a wordo neglisha, ya cu a simplemente traha cas pero no a tene cuenta cu calidad di bida, a conoce cambio grandi. Principalmente pa cu e area di infrastructura. “Biba na de Vuyst tabata dushi, pero ta miho awor,” un ciudadano a comenta. Otro proyectonan na San Nicolas cu a wordo ehecuta ta renobacion di Abraham de Veer School. Watertoren, ex edificio di Ambulance, a habri oficina di Oficina di Turismo y DPL na San Nicolas mientras cu a cuminsa traha riba Lago Heights Hill Park, cu a wordo diseña den cooperacion cu un grupo di habitante. “Aruba a conoce un cambio grandi desde cu mi a bishita e isla ultimo biaha tres aña pasa y e cambio pa San Nicolas ta visibel ,” ta e comentario di un Arubiano di San Nicolas, residencia na Hulanda kende recientemente tabata di bishita na Aruba.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter