Thursday, 21 August 2014
Minister Dr. Richard Visser: "E miho cos cu bo por haci ta duna voorbeeld" SVb ta focus pa pasa di un organisacion cu ta maneha absentismo pa un cu ta promove salud Print E-mail
Monday, 15 April 2013 18:01

Front IMG 2768

Un grupo grandi di empleadonan di SVb ta formando parti di nan di dos "Mission Activity" tres biaha pa siman na encargo di Rene Wild y su team. Director di SVb, Ir. Edwin Jacobs a laga sa cu por ripara hopi entusiasmo cerca e trahadonan, pero mas cu tur cos e proyectonan aki ta contribui pa SVb su 'team building' ta mas fuerte.

Segun Ir. Edwin Jacobs, nan tin 4 localidad y durante e "mission" e coleganan por yega mas facil cerca otro. "Cada un tin un experiencia diferente riba con nan a experiencia e “mission", el a indica. Gerencia ta ripara cambio den e cifranan di absentismo. Si analiza e cifranan di 2008 pa 2009 cu cifranan di absentismo di 7 persona di 103 trahado cu tabata tin cero dia AO, aña pasa a cera cu 50 persona di 104 persona cu no a meld ni un dia AO durante henter aña. Esaki ta cifranan positivo, Jacobs a remarca. Edwin Jacobs a agrega cu el a tende comentarionan di e personal cu nan ta sinti energetico, cu nan ta sinti nan mes bon, esaki kiermen cu for di e empresa ta contribui na e bienestar di e trahadonan. E "mission' ta duna un contribucion na un energia positivo den nos organisacion, Jacobs a añadi. Ya ta e di dos aña cu SVb ta trahando hopi fuerte pa mehora e servicio y riba proyectonan special pa e trahadornan. E director di SVb a duna di conoce cu nan lo keda enfoca pa pasa di un organisacion cu ta maneha absentismo pa un organisacion cu ta promove salud den tur forma posibel. Den esaki nan a haya un partner strategico den IBISA, di Ministerio di Salud y Deporte pa asina por sigui hiba e mensahe di un bida saludabel pa dilanti, el a señala. "Nos kier contribui como empresa na e salud di nos trahadonan pasobra na final di dia e ta beneficia e cliente tambe". Banda di esaki, Minister di Salud Publico y Deporte, Dr. Richard Visser a expresa cu e trahadonan di SVb ta un ehempel pa nan ta na pia di trabao. Un parti di nan trabao ta pa percura pa Aruba ta mas productivo door di tin menos hende AO. "E miho cos cu bo por haci ta duna ehempel. Empleadonan di SVb ta haci ehercicio tres biaha pa siman y nan ta dunando e miho ehempel cu tin”. E mandatario kier motiva e companianan priva pa cuminsa haci esaki cu nan empleadonan. Por a wak con Aruba a cambia den e ultimo dos añanan. Hopi mas hende ta cana, ta haciendo uzo di Linear Park y di e luganan cu tin disponibel pa hende haci movecion y asina ta mas saludabel, a agrega. Finalmente Minister Visser a declara cu Aruba ta riba un ruta hopi bon y p’esey e ta hopi satisfecho cu e logronan aki.

album album album
album album  

Comentarionan (2)Add Comment
Dr Zero
April 16, 2013
201.229.28.22
Votes: +0
...

@Visser: Minister a laga kita e vending machine na entrada di AZV caba, of ainda mester sigui Pay Back sponser di campaña? Aparenta di ta promove un bida saludabel y di otro banda tin un machine di sucu na AZV...

De Waarheid
April 15, 2013
201.229.67.32
Votes: +0
...

Minister e miho cos abo por hasi ta trecha jOE lAVEIST amigo, bo no a duna San Nicloas nada din e 4 anjan cu bo tei, anto e cabayero Franken ta un Joker primera clase.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter