Friday, 25 April 2014
Minister di enseñanza a atende cu cierto malcontento den EPI Print E-mail
Monday, 15 April 2013 20:27

Arthur Dowers006

Tin un coriente di malcontento na EPI tocante horario di school cu ta parce tin unidad a bin cu cambio. Den entrevista cu minister di ensejanza Arthur Dowers el a splica cu tin diferente facultad den e school cu tin diferente horario di les. E minister a splica cu algun ta duna les te 5:00 or di atardi y tin ta duna diasabra tambe, mientras cu tin facultad ta haci nan les mucho mas cortico.

Como cu tin hopi peticion pa localidadnan na EPI nan a tuma cierto decision y tin un facultad cu a aumenta nan oranan di les y tin otro cu ta planeando esaki pero te ainda no a tuma un decision door cu no ta necesario na e momentonan aki. Segun minister Dowers tanto den pasado como awor e ta keda pidi pa cada ken cu ta responsable pa e school aki mira con por haci mihor uso di e facilidadnan cu tin mirando cu e siguiente anja tin mas of menos 100 persona adicional cu kier drenta e school y esey kiermen cu na un forma creativo con pa duna e lesnan. E minister a bisa cu tin diferente hende cu ta pidi pa aumenta e cantidad di lesnan cu e facultadnan tin, loke ta un reto mas grandi pa gobierno y e school, pa futuro. E ta kere cu den futuro esnan cu ta escoge EPI pa studia lo por sa ki horarionan di les nan tin y esey no mester ta un problema mirando cu tin maneranan pa traha rooster y ubica tur persona cu ta necesario na school. E minister a papia caba cu e management team di EPI y dentro di un of dos siman lo papia cu e studiantenan. El a yega di papia caba cu e representantenan di e studiantenan pa tende nan puntonan di bista y kico nan ta sinti cu mester mehora pa yega na un sistema cu ta motiva tur hende. Finalmente el a splica cu tin peticion pa e donjonan di trailer cu tin den e school pa saca nan pa cuminza cu e construccion di mas facilidad cu na final di dia ta cumbini gobierno mas cu paga huur, pasobra esakinan ta keda permanente pa e school.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter