Friday, 31 October 2014
Minister Visser: Nos ta hopi orguyoso di nos atletanan di ajedrez Print E-mail
Tuesday, 16 April 2013 15:49
DSC_2063
Diabierna mainta Minister di Salud Publico y Deporte, dr. Richard Visser tabatin un intercambio masha ameno cu un grupo di atleta di ajedrez hoben, hunto cu miembronan dinamico di e Federacion di Ajedrez di Aruba. E prestacion impresionante di e hobennan durante torneonan internacional ta merece admiracion sigur.

Ajedrez ta un deporte cu ta train e habilidad mental di nos muchanan y ta yuda tambe den nan desaroyo mental, el a comenta. "Nos ta hopi hopi orguyoso...esaki ta algo increibel pa Aruba," Minister Visser a subraya, referiendo na e resultadonan di e dos ultimo torneonan internacional y particularmente e titulo di Campeon di Caribe, cual Brian Diaz a sa di gana.

E mandatario a expresa cu e y su team ta buscando con mas por yuda e federacion aki, como cu nan a prueba di ta presenta un calidad halto di atleta. Aunke e federacion su presupuesto ta krap esaki no a stroba nan pa bolbe Aruba cu medaya tras di medaya y esaki ta algo cu sigur Minister Visser kier sigui stimula y ta elogia.

Brian Diaz (11) a titula Campeon di Caribe den e categoria U-12 na Carifta, cual a tuma lugar na Jamaica recientemente. Ta pa prome biaha den historia cu Aruba tin e titulo di Campeon di Caribe, Raymundo Dijkhoff, kende ta coach di e hungadonan bao di 21 aña y miembro di directiva di Federacion di Ajedrez comenta. Tambe na Carifta, Maria Paula de Mey a sa di empata den e di tres luga, pero pa e sistema di punto a keda den di cuater luga den e categoria femenino U-16 y Jomar Benschop no a perde ningun partido, pero no a cay den premio debi na e sistema di punto den e categoria U-16 masculino.

E team di Aruba a yega y surpasa su meta: nan a hunga 21 wega, gana nuebe, perde un y empata 10, Dijkhoff a splica.

Aruba tambe a participa na un otro torneo importante, unda un di nos atletanan a clasifica pa e mundial, cual ta tuma luga na Rusia. Esaki tabata e torneo Pan Americano Universitario y e atleta Juan Pablo de Mey a gana e di tres luga y e derecho pa hunga den e mundial. Tabata prome biaha cu un atleta di Aruba a gana su participacion na e mundial pa medio di un torneo regional.

Dijkhoff a splica cu, cu excepcion di e torneo anual na Corsou, e federacion ta haya solamente dos ticket pa cada torneo internacional. E federacion a scoge, como cu e tin mas di 100 mucha hungando ajedrez bao di nan guia y e calidad di hungadonan ta hopi halto, nan ta comparti e ticketnan y cada biaha scoge diferente hungado pa nan por haya experiencia di torneonan internacional. E federacion a scoge pa desaroyo y menos pa premio y e strategia aki ta dunando tremendo resultado, pasobra e hobennan ta haya un chens pa desaroya bon y tambe ta treciendo premio.

Dijkhoff a conclui bisando cu si e federacion por biaha cu mas atleta e ta sigur cu nan lo por bin cu mas premio tambe.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter