Friday, 24 October 2014
Minister Michelle Hooyboer-Winklaar: “Mi ta contento di por mira con e 6 islanan y Hulanda ta traha hunto pa conserva nos herencia cultural intangibel” Print E-mail
Tuesday, 16 April 2013 16:52
DSC_2063
Den un tempo basta corto, Minister di Asuntonan Economico, Asuntonan Social y Cultural, Michelle Hooyboer-Winklaar, a inicia cu e trabou pa duna atencion na nos patrimonio of herencia cultural inmaterial of intangibel.

UNESCO ta para tras di pensamento cu nan ta di mesun importancia cu esunnan tangibel y cu ta transmiti di un generacion pa otro generacion cu ta recrea constantemente pa su comunidadnan, su integracion cu naturaleza y su historia, un sentimento di identidad y continuidad y contribuyendo asina na promove respet pa diversidad cultural y creatividad humano.

Durante un mainta masha ameno, Minister Hooyboer-Winklaar a duna inicio oficial di e topico: Simposio di tur e paisnan den Reino, na Surfside Marina. Ministerio di Onderwijs Cultuur en Wetenschappen di Hulanda, a haci e simposio aki posibel, unda cu Gobernador di Aruba, señor Fredis Refunjol, como tambe algun representante di cada pais y isla den Reino tabata presente. “Pa nos ta un gran honor y placer pa ta anfitrion di un workshop asina importante y relevante pa futuro di nos herencia cultural. Esaki ta prome biaha cu nos ta organisa un evento asina, cu ta bin for di UNESCO y nos ta yama tur nos diferente partner di Reino bon bini, pasobra nos tur a bini hunto pa traha riba e mesun meta; un desaroyo di loke nos ta yama herencia cultural intangibel. E worshop aki ta pa explora e aspectonan intangibel di cada pais. Esey ta algo cu bo no por mishi cu ne fisicamente, pero e ta presente den cada pais y ta refleha diferente aspecto di un cultura, manera ta e caso di nos Dande. Meta ta pa nos proteha, educa y documenta kico cada pais rond di mundo ta considera algo cu ta cay bou di e categoria ey, pues kico nos tin den nos cultura cu ta intangibel y cu tin mester di otro tipo di cuido.”

James Oduber, Secretario General di UNESCO nacional, indica cu e 6 islanan y Hulanda, lo ricibi apoyo di nan oficina regional na Cuba, ya cu ta esencial pa cada pais documenta nan herencia nan intangibel. “Bou di herencia nan intangibel ta cay, entre otro; musica, expresion cultural, ritual, custumber, arte culinario, etc. E ta hopi amplio y e intencion ta pa den e workshop aki, yega na palabracionnan concreto, ya cu den  e workshop anterior, a duna di conoce cu den Reino nan kier traha hunto den implementacion den tratado cu UNESCO. E ta algo complica, pero conhuntamente nos por yega na stipula e caminda cu nos tin cu cana y con mester can’e”segun James Oduber.

Desde cu Minister Hooyboer-Winklaar a cuminsa den gobierno, el a boga pa pusha nos musica Dande, como un di e herencia nan cultural di Aruba. El a percura pa documenta esaki oficialmente na Nacionnan Uni pa haya reconocemento como tal y awo e proceso ta biniendo cla poco poco. “Mi ta hopi contento cu nos por a yega na e workshop aki, cu e sosten di departamento di Hulanda, cu ta encarga cu e parti di herencia cultural. Nacionnan Uni ta mira esaki como parti completo di Reino, apesar cu cada un di e islanan tin nan cosnan apart, nos por trece nan hunto y asina identifica kico tur e diferente partners ta mira como nan herencia cultural intangibel,” e mandatario a termina bisando.

dowers dowers dowers
dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter