Friday, 24 October 2014
Minister Dowers ta felicita funcionarionan di inmigracion cu nan certificado Print E-mail
Tuesday, 16 April 2013 18:38

Front DSC 3042

Diabierna Minister Dowers a haci entrega di certificado di participacion na 21 funcionario di inmigracion cu a participa den un "kaderopleiding" intensivo. Conforme ley, pa haña bevordering e funcionarionan mester completa un curso basta amplio. E curso ta consisti di varios materia manera entre otro Management, Integridad, Comunicacion, Seguridad Nacional, y varios otro.

Pa hopi aña e curso aki no a wordo ofreci y minister Dowers a tuma e iniciativa pa organisa e curso pa asina e funcionarionan por haña oportunidad pa wordo promovi den un funcion mas halto. Cada un cursista a contribui grandemente di nan parti. E curso a inicia den maart y a termina medio april y a consisti di 128 ora di les. E luna di les aki tabata basta pisa pa e cursistanan pero tur a cumpli y tabata participa semper cu yen di animo. Sr. Dowers ta comparti e opinion di e cursistanan cu mester keda inverti y educa personal y leiding cu cursonan manera esaki. Cu tur avance den tecnologia ta imposibel y hopi peligroso pa no inverti den bo personal y nan adelanto y conocemento. E unico forma cu bo por keda funciona optimal y duna contenido tambe na bo funcion ta dor di educacion continuo. E mandatario ta convenci cu si uni forsa cu expertonan den diferente ramo den comunidad, hunto lo por contribui na e educacion y formacion di diferente gremio y gruponan. E Minister mes tabata un di e docentenan di e curso. Na Arubano ta usual cu un minister ta para dilanti klas y duna les. Na Hulanda esaki ta algo normal, pero na Aruba e ta algo unico. Banda di minister Dowers 6 otro docente a facilita e cursonan. Tur docente a haci esaki gratuitamente y no a cobra nada extra pa a prepara y a facilita e curso. Tur docente ta sumamente orguyoso di e cursistanan y ta sperando yen di animo e segundo tanda di cursista. E mandatario ta gradici e leiding di Imigracion pa a contribui cu e infrastructura pa e curso, miembronan di buro di su ministerio y tambe tur docentenan pa e tur nan esfuerso pa realisa cu curso. Finalisando e titular di husticia y enseñansa bisando cu e ta sigur cu e futuro di inmigracion ta bon den bon man. Un pabien na e funcionarionan di inmigracion cu nan certificado. E graduadonan ta: Rene A. Bernabela, Justina Gomes, Glenda Hek, John M. Hodge, Robert Kelly, Hedwiges H. Kock, Roland F. Koolman, Salimah H. Luidens, Maria M. Maduro, Vivian E. Maduro, Winfried A. Martis, Rosenda S.J. Schmidt, Erica C. Tromp, Kenrick R. Tromp, Maureen C. Tromp, Judella R.G. Werleman.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter