Saturday, 25 October 2014
Andin Bikker: Prome Minister ta reacciona diferente ora parlamentario Hulandes ta haci pregunta y ora PDR ta puntra mescos! Print E-mail
Tuesday, 16 April 2013 21:21

bikker

Andin Bikker, lider di Democracia Real, a tene su conferencia semanal di prensa na e oficina na Noord. Esaki ta e prome di e ciclo di ruedanan di prensa cu ta bai tuma lugar den e diferente sedenan cu e ta bai habri, e.o na San Nicolas te cu 27 di September. Durante e conferencia di prensa el a cuminza na splica cu ora parlamentarionan hulandes ta haci pregunta tocante e maneho di gobierno di Aruba pa gobierno esakinan ta zakelijk pero ora PDR ta haci mesun preguntanan ta politiqueria tin.

Bikker a pone como ehemplo e preguntanan cu un parlamentario di VVD a haci na gobierno Hulandes y cu PDR a yega di haci caba. Nan ta si gobierno hulandes por indica si nan ta haya e situacion financiero economico di Aruba stabiel; si gobierno di Hulanda por conclui cu gobierno di Aruba ta financiando basicamente e crecemento economico door di endeuda e pais Aruba; si no ta coriendo risico di haci mas debe a base cu tin mas espacion financiero, y ki dia ta cuminsa cu pago bek y baha debe nacional di pais Aruba. Andin Bikker a splica cu tempo cu PDR a haci e mesun preguntanan aki e gobernantenan envez di contesta al caso a dal full un storia y a ataca nan casi personalmente pero no a contesta loke a ser puntra. Bikker a puntra cuanto e debe nacional a aumenta entre 2009 y 2013 pasobra e tin entendi cu esaki a crece barbaramente bao di e gabinete aki, na como un tercer parti, mucho mas cu e 2.4 billion cu e gabinetenan anterior den 25 anja di status aparte tabata mantene. Bikker a bisa cu esaki ta pa motibo di tur e proyectonan cu gobierno a desaroya cu por a ser haci mas eficiente y mas barata di un otro forma. Esaki ta preocupa PDR como cu un di su tareanan fundamental ta vigila e maneho financiero economico di nos gobierno y con nan ta usa e fondonan publico. E ta haya stranjo cu pa e parlamentario Hulandes e reaccion di prome minister ta cu su preguntanan ta al caso pero pa PDR cu ta politiqueria y esaki ta algo cu e no ta aprecia.

Comentarionan (4)Add Comment
Justicia
April 17, 2013
201.229.46.29
Votes: -5
...

Stop di jjora poco i haci i no papia so .

... Low-rated comment [Show]
Challeco
April 16, 2013
190.104.102.105
Votes: +15
...

Andin, Stranyo cu bo ta menciona esaki. Ayera tardi e mesun topico a lanta cabez den un combersashon informal entre amigonan. E pregunta tawata: Dicon, historicamente, nos gobierno ta reakshona diferente na preguntanan fe di Hulanda cu na nos mes un puebo of politiconan (di qualkier partido) i den un forma asina agresivo? E no ta sano.

The Baron
April 16, 2013
201.229.118.123
Votes: +12
...

Esaki ta bisto,cu Prm.Min.Mike Eman ta Goberna pais ARUBA pa e Politiconan Hullandes.Nan ta critica ora "Oposicion" no ta den sala di Parlamento,pero ora nan tey,ta hasi chuercha di oposicion,i no ta contesta preguntanan.Pasobra nan tin 12 I punto.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter