Tuesday, 30 September 2014
Parlamentario sra. Lorna C. Jansen-Varlack:E cantidad di proyecto cu a wordo ehecuta y e inversionnan grandi na San Nicolas a haci MEP hopi dolor Print E-mail
Wednesday, 17 April 2013 13:34
DSC_2063
Un lista di e proyectonan cu a wordo ehecuta y e proyectonan cu ainda ta den “pipeline” a wordo presenta y e informacion aki a haci MEP hopi dolor. Manera tur hende sa ta algun proyecto so cu nos por conta riba un man, a wordo haci na San Nicolas durante e gobernacion di MEP.

Nada di gaba tawatin y prome cu eleccion 2009 a purba di caba cu algun proyecto pa engaña pueblo di San Nicolas. Pa cu e motibo di tur e proyectonan cu a wordo ehecuta na San Nicolas y ainda falta, tawatin un yoramento na e emisora di oposicion pasobra awe nan a wordo confronta un biaha mas cu e realidad. E realidad cu den pasado MEP a faya grandemente na San Nicolas y ful rond di Aruba. AVP a prueba otro y a mustra e diferencia grandi cu tin entre e dos partido. E realidad ta cu MEP a traha pa nan propio cartera y no a corda riba pueblo. E diferencia ta awor cu porfin pueblo por wak unda e placa di pueblo ta bay. 8 aña largo MEP a chica pais Aruba sin misericordia. Nos compromiso ta cu pais Aruba y fuera di esey mi compromiso semper tawata cu San Nicolas en particular.Den parlamento mi persona a trece e preocupacionnan y sugerencianan pa mehora e situacion na San Nicolas y m’a sostene e leynan pa haci e inversionnan pa cu e proyectonan. Ta di lamenta cu parlamentarionan di MEP nunca a aproba e presupuestonan di e ultimo 3 aña cu consecuencia cu nan a desaproba e proyectonan cu a wordo ehecuta rond di Aruba. MEP a vota contra progreso di nos pais, contra progreso di nos economia y contra e bienestar di pueblo en general. Ora pueblo mira cuanto inversion a wordo haci rond Aruba, cuanto proyecto a wordo ehecuta pueblo mes ta confirma cu AVP a haci un bon trabou. E diferencia ta hopi visibel. MEP, ni e lider di e partido no por a trece e cambio. MEP ta keda cu e mesun actitud mediocre y negativo y no tin ningun siguransa cu MEP lo traha pa pueblo di Aruba den futuro. Pa pueblo MEP ta keda MEP!

 

Comentarionan (7)Add Comment
Pueblo na Pecho
April 18, 2013
80.56.81.30
Votes: +4
...

Gregorio@, bo tin rason. Berdad si no ta min.Otmar Oduber ta pronk cu projectonan di otro partido awor Lorna ta hasi mesun cos. Bo gaba cu ta nan so ta y a traha pa Aruba. Pueblo na Pecho tambe no ta partidario ta djies registra cosnan cu ta pasa so cu no ta quadra cu e berdad. Tur gobierno ta traha pa Aruba. Un mas cu otro.

Politika
April 17, 2013
201.229.118.158
Votes: +2
...

increble con Politica ta wordo hunga, dus un gobierno cu trese mas projecto y no tene cuenta cu nos financia publico, ta esun mes mes, haha

SiLeNcEbOnE
April 17, 2013
201.229.35.136
Votes: +8
...

Si boso ta worry sina hopi ku San Nicholas please kuminsa get rid di tur e bar ney ku tin eynan anto traha algo drechi. Tur hende ta wak San Nicolas pa loke eta, jena ku bar y e muhe nan di bida, kuminsa traha algo ku ta trek turista y tambe ku ta duna hende mas trabow.

jos
April 17, 2013
201.229.72.31
Votes: +3
...

te caminda cu pueblo por wak centro medico san nicolas ,bus station san nicolas casnan di ansiano casnan di pueblo ta proyecto di MEP ,awor cu gobierno di avp a para e proyecto di hospital pa san nicolas i paga e vlam di valero i cende lus di un edificio renoba cu no ta yuda e pueblo pa baha gasto di awa verf par di cas di pueblo cu MEP a traha pone paar di klinkers claro cu e ta hasi MEP hopi d**or con gobierno di avp a boycot san nicolas

Ceril Boekhoudt
April 17, 2013
201.229.75.242
Votes: +3
...

Watertoren tabata un projecto financia pa Hulanda...gobierno ta just cana pronkia cu pluma di otronan.

Gregorio
April 17, 2013
201.229.82.123
Votes: +10
...

Yes ta di aplaudi cu AVP a drecha e Watertoren, Caya Sint Maarten y e cas nan na Juwana Morto (entre otro) pero e lo no a costa bo NADA di mustra bo grandesa y reconoce cu toch MEP a haci algo pa San Nicolas. Ata Otmar Oduber a duna Ramon Lee un pabien dia cu e ballpark nobo a habri na Santa Cruz apesar cu twt un proyecto cu a cuminsa bow di MEP......Demonstra grandesa y honestidad por hiba bo lew den bida.....

Gregorio
April 17, 2013
201.229.82.123
Votes: +11
...

Oef Lorna, bo si ta decepciona cu bo artic*lo sin pia sin cabes. Ban wak: Bushalte SN plus Commercial building Arubus, Edificio SVB, Edificio IMSAN, Renoba Biblioteca, Pieterboer schoel, Graf von Zinzendorf (tanto basis como kleuter), cas pa anciano nan na Palisiaweg, Substation Zeewijk cu Parke di molina Urirama, Cas nan di FCCA na Cura cabay...just pa menciona un paar. Plus at least durante MEP su gobierno VALERO twt tey y no awor cu e la sera di berdad bow di bo gobierno.
Ami no ta partidario mi ta just wak e realidad mane cu e ta.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter