Monday, 24 November 2014
Rene Herde: Cuatro presupuesto cu nos a aproba ta refleha e cambio cu nos a priminti Print E-mail
Thursday, 06 June 2013 22:12
Comparti

Rene Herde004

"Lo tabata facil na comienso di e gobernacion di AVP cuatro aña pasa, pa accepta e situacion economico, financiero, social y e falta di perspectiva den pueblo como motibo pa hiba un gobernacion tradicional y conservado manera semper nos a conoce. Por a djies sigui e reglanan di presupuesto tradicional y corta gasto, austerisa y hasta tuma medidad pa haya mas placa den caha di gobierno, cu e argumento cu "no tin placa."

Esaki lo a wordo accepta tur caminda. Pasobra e situacion financiero di gobierno tabata fatal. Nos economia tabata den decandencia." Na palabra ta Rene Herde', lider di e fraccion di AVP den parlamento. e ta sigui splica cu turismo mes tabata pasa den masha mal momento cu companianan grandi a stop di trece turista pa nos pais. (American Airles, KLM, Carnival Cruises). E infrastructura di nos pais a bay atras y edificionan publico y scolnan tabata wordo neglisha. Seguridad tabata minimal pasobra gobierno no kier a inverti den polis y seguridad. Desempleo a yega na un nivel di mas cu 12 %. Rene Herde': "Cos tabata teribel na Aruba y no solamente pa motibo di e crisis mundial. Pero pa motibo cu gobierno tabata pleita cu tur compania pa haya mas placa. Enbez di sigui un goberna na un manera tradicional, gobierno di AVP na 2009, a scohe pa cambio. Pasobra Aruba mester a haya un cambio di rumbo, apesar di e situacion financiero, economico, social, fisico y e ambiente malo cu tabata tin tur caminda."

CUATRO PRESUPUESTO

"Den e tres aña y mey cu a pasa nos a aproba cuatro presupuesto. E cuatro presupuestonan aki ta un bon refleho di e cambio den direccion di nos pais. E cambio di e direccion di gasto y entradanan ta muestra di e cambio di direccion di nos pais. Djies algun ehempel ta ilustra esey. E cifranan di inversion den infrastructura di nos pais a aumenta." E placa pa esakinan a bini di presupuesto di gobierno y di Fondo pa Desaroyo. E resultadonan di e inversionnan aki den bario y ciudadnan, den camindanan nobo cu asera y lus, ta confirma esey. E renobacion di barionan di vivienda, di scolnan, di ciudadnan, di facilidadnan publico y di cayanan, ta confirma e inversionnan financiero haci segun Rene Herde'.

Cifranan ta mustra un aumento di costonan di personal di gobierno y un reduccion di e cantidad di hende den gobierno. E splicacion di esaki ta cu a inverti hopi mas pa mehora e posicion di empleadonan publico, maestronan di scol y empleadonan di fundacionan subsidia. Den e tres aña y mey cu pasa cada empleado publico, maestro di scol y empleado di fundacionnan, a bay dilanti cu 5 mil florin. Esaki a costa caha di gobierno mas cu 250 miyon extra, pero e tabata necesario pasobra empleadonan publico tambe a wordo lubida y a bay atras cu por lo menos 25% den e ocho añanan prome. E resultado ta tambe cu a mehora nan forsa di compra.

Cifranan ta mustra cu a inverti den mehora e forsa di compra di pensionadonan y trahadornan den sector priva cu e "reparatietoeslag". E resultado di e inversion den esnan cu e entrada mas abou ta, cu manera a compomete cu pueblo prome cu eleccion di 2009, ta mehora nan forsa di compra. E aumento den e gastonan aki den presupuestonan ta confirma e desicionnan aki pa duna sosten na esnan cu entrada mas abou. Desicion cu a nifica cu for di caha di gobierno esnan cu ta traha den sector priva tambe ta wordo yuda pa pasa door di temponan dificil. Un otro cambio grandi den maneho di fondonan publico!

"Esaki ta cambionan cu nos a palabra cu pueblo prome cu elecion na 2009. Esaki ta gastonan cu gobiernonan nunca tabata tin prome y nan ta wordo refleha den e presupuestonan di gobierno cu nos a aproba den e ultimo cuatro aña. Nan ta splica tambe e situacion financiero di gobierno."

Comparti
Comentarionan (2)Add Comment
Uncle Ed
June 07, 2013
201.229.6.201
Votes: +7
...

Cambio, berdad e ta, pero enbes di bai pa dilanti, nos a bai full speed patras. Bon trabao!!

daniel1
June 07, 2013
201.229.41.237
Votes: +9
...

Baba di berdad bo ta kere cu nos ta bobo, ciego y sordo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter