Saturday, 29 November 2014
Segun Parlamentario Donny Rasmijn (AVP): Ta tempo pa un mentalidad di positivismo pa progreso di nos pais Print E-mail
Friday, 07 June 2013 02:16
Comparti

Donny

Durante reunion publico pa cu tratamento di presupuesto 2013, Parlamentario Donny Rasmijn di Arubaanse Volkspartij (AVP) a hiba su discurso señalando un mentalidad di positivismo pa progreso di nos pais.

INOVACION

E Parlamentario a señala riba e hecho cu economia a cay na diferente parti di mundo, entre otro Merca cu ta un pais di unda gran parti di nos turismo ta bin y tambe diferente otro parti di mundo. “Ta conosi cu na momento cu un pais ta pasa den momentonan dificil nos ta wak e paisnan aki ta busca inovacion pa asina nan por pone e economia drey atrobe,” Rasmijn a señala remarcando cu nos pais tambe ta wordo afecta pasobra e inversionnan grandi cu nos Gobierno a haci a percura pa economia sigui drey. Pasando den reto unda Valero a cera, Rasmijn ta remarca cu Gobierno ta percura pa tin cuponan di trabou.

UN PAIS PROGRESIVO

E Parlamentario a remarca cu Aruba ta conoci pa ta un pais progresivo unda nos ta probechando di un bon GDP (Gross domestic product). Segun Rasmijn, hopi ta e biahanan cu a wordo treci dilanti cu nos GDP no ta representa loke nos hendenan ta bibando. “Tanto bal un GDP halto mientras cu nos camindanan no ta drecha, tanto bal un GDP halto mientras cu nos problemanan social ta sigui crece riba nos diariamente, tanto bal un GDP halto mientras cu nos ta wak hopi famianan ta pasando dificultad y no sa kico pa haci pa yuda nan famianan,” Rasmijn a bisa.

TEMPO A YEGA

E Parlamentario di signatura berde a señala cu tempo a yega y ta uno, oportuno pasobra nos tin e bendicion pa tin un Gobierno cu na e momentonan aki ta cla pa ehecuta cambionan pa beneficia nos pais. “Nos partido como christian democrata, ta para pa e nomber aki, pa trece cambionan cu lo yuda nos pais,” Rasmijn a indica.

NIVEL DI COMPORTACION

E Parlamentario a señala riba tur e gritamento y insultonan cu ta sosode durante e reunionnan den Parlamento, remarcando cu dentro di poco tempo nan lo pasa pa pasado pasobra esaki no ta locual nos futuro generacionnan kier, ni tampoco e ta un bon ehempel pa nan. E ta pone enfasis cu calidad di Parlamento lo ta bay ta uno fuerte. Uno, cu profesionalismo y cu ta para pa su pueblo, na prome luga y no pa su propio partido, ni tampoco pa su mes persona.

GOBERNACION ANTERIOR

Rasmijn a bisa cu nos a pasa den un Gobernacion anterior, unda nan propio bienestar tabata na prome luga. “Hopi ta esunnan cu a wordo saca for di e partido aki, cu e meta pa un grupo keda den poder di e partido. Pa colmo, ora nos a kere cu tabatin cambio na caminda, ainda nan ta defende cosnan cu ta robes,” segun e Parlamentario.

POLITICA BIEU
Rasmijn a sigui bisa cu tur politico tin nan tempo y pa permanece den politica bieu no ta yuda e pais aki, ni su futuro generacion. “Ta tempo pa inovacion, e no ta importante kico ami ta pensa, pero loke cu ta importante ta e progreso di nos pais,” Rasmijn a subraya. Tur loke cu ta importante pa progreso di nos pais a wordo haci bou di e gobernacion actual y ainda falta mas pa haci, cu lo continua. E Parlamentario no ta mira e nesesidad pa bay bek den pasado y pleita riba cosnan cu a 25 aña pasa pero loke cu ta yuda nos pais ta progreso. Un mentalidad nobo y diferente pa nos pais progresa. “Mi ta sigur cu e Gobierno aki y e partido di AVP den gobernacion, e pais aki lo sigiui progresa, poniendo hopi atencion na futuro generacionnan, percurando pa tin trabou pa nos studiantenan den exterior bin bek Aruba y duna aporte na e crecemento di nos pais, enbes di pleita riba cosnan cu a pasa den pasado.

“Nos tin e escohencia pa pensa positivo of negativo y mi ta sigur cu nos ta scoge pa esun positivo y esaki nos lo wak bek dia 27 di September binidero.” Asina Parlamentario Donny Rasmijn di Arubaanse Volspartij (AVP) a termina bisando.

Comentarionan (6)Add Comment
baby baby
June 08, 2013
195.85.160.5
Votes: +1
...

DONNY tin HOPI hende para su tras dus ja stop di ta zielig y warda bo zieligheid pa september bo bai YORA DILANTI KAS DI PARTIDO GEEL NA SANTA CRUZ !!!!!

He dicho Caso Cerrado !!!

Natessa Croes
June 08, 2013
201.229.37.229
Votes: +3
...

Bon Trabou Donny Rasmijn, y sigi pa dilanti manera mi por wak e personan nan aki nunca nan ta wak noticia y nan no ta ripara cu tur lo cual bo a primiti 4 ana pasa bo a cumpli. y cu bo tei pa defende pueblo no pa un par di gende so.porfin Savaneta a haya algo danki na mener Rasmijn. y mi ta content cu tin parlamentario cu ta bai misa y cu cu tin respect pa Dios. Sigi cu bo bon trabou nos t para bo tras duro y savaneta tambe.smilies/grin.gif

Natessa Croes
June 07, 2013
201.229.37.229
Votes: +2
...

Donny sigui cu bo bon trabou, danki na bo persona Savaneta, a haya atencion. Pueblo bai wak back tur e reunion nan di Parlamento pa boso wak cua ta e parlamentario cu a defende su pueblo. Y cu e ta bai misa mi ta contento cu bo tin principio e ora mi sa cu mi Pais ta den man di gende cu tin temor di Dios. Sigi cu bo Bon trabou.smilies/wink.gif

ban serio
June 07, 2013
201.229.44.30
Votes: -2
...

For di 12 parlamentario di AVP Dios ilumina Mike su cabez pa solamente 4 di nan por bin back, e resto nan si ta posibel NI ariba lista nan ta gepasseerd station; E 4 nan ta Irauquin, Paul Croes R. Herdee,Norman Roos.

Mai
June 07, 2013
190.88.35.93
Votes: +0
...

E gai ki no...e sa masha bon den ki debe Aruba ta wordo hinka. Na su iglesia e ta bin dilanti jora pasobra diablo ta pone pression den gobierno pa gay marriage wordo acepta. jora jora jora, pero lanta contra su partido e no ta hasi! Puro show mescos su lider, un jora dilanti un misa jen.. Pa esnan cu a wak por bisa cu nan a wak Donny "huilend ten onder gaan". I kizas esey ta pasa september tambe cune.

ban serio
June 07, 2013
201.229.44.30
Votes: +3
...

Esaki ta OTRO parlamentario morto ora di eleccion bo ta tende di dje RUIM OP DE BOEL y pone sanger joven na su lugar si ta posibel NI ariba lista back!!!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter