Wednesday, 03 September 2014
Andin Bikker: Actitud inaceptable di gobierno a pone cu PDR no a vota na fabor di begroting 2013 Print E-mail
Friday, 07 June 2013 08:36
DSC_2063

Democracia Real no por a sostene presupuesto 2013 y Andin Bikker a splica kico ta e motibo. Bikker a comenta riba e actuacion di ministernan, y a splica cu den e constitucion ta stipula dia 1 di September pa entrega e presupuesto di e anja cu ta bin pero gobierno a entrega e presupuesto di 8 pa 9 luna despues.

Despues nan ta rush den parlamento y pa colmo e parlamentarionan no tin derecho di eherce nan trabao di influencia e presupuesto y siendo cu 6 luna di maneho a core caba y gastamento di placa a tuma lugar nan kier pa esaki wordo aproba retroactivo. Andin Bikker a splica cu esaki ta un anja parlamentario caminda mester entrega listanan dia 19 di Augustus y 8 siman despues manera ta prescribi tin eleccion y esey ta haci cu e anja parlamentario aki ta limita y un par di luna ta resta pa e gobernacion actual.


Segun Andin Bikker e gobierno aki no tin respet pa e estado di derecho, caminda cu sentencianan hopi fuerte cu ta na mesun nivel di gobernacion den trias politico a constata cierto cos cu no a bay bon, so well den casonan contra minister Dowers y ultimamente contra minister di infrastructura, y den otro paisnan den Reino ministernan cu ta pasa den algo asina ta duna nan mes e honor y ta tuma retiro pero na Aruba  ni un musca ta bula y partidonan cu a reclama den conferencianan di prensa ora di vota no a bin cu ningun solucion. Esaki ta inaceptable pa PDR y pesey no a vota na fabor di e begroting aki. Tambe el a splica cu otro motibo ta cu IMF ta bisa den su rapport cu e gobierno aki a aumenta e debe nacional cu 8.1 y mey den solo un anja.


Parlamento mester controla gobierno con ta maneha e placa di pueblo y mester duna un senjal di kico ta pasando. Bikker ta haya cu gobierno a hinca su mes den un camisa di 11 bara, hincando tur e ministerionan den e mesun ley. E ta desaproba e maneho di husticia cu ta pretende cu cos ta bon pero tur dia tin joyriding di auto cu despues ta aparece pluma y kima y nos turistanan ta wordo atraca den coredor di hotel y den un joyeria caminda camera a capta e momento cu un turista venezolano su tas a ser ranca for di dje. Bikker a splica cu PDR  no ta cera wowo pa esakinan y nan a senjala esaki na un manera concreto pa gobierno y pesey no a vota pa e presupuesto.

Comentarionan (3)Add Comment
Justicia
June 10, 2013
201.229.6.233
Votes: -1
...

Si e begroting ta laat,ta berdad ,pero e tei i bo tin cu trate i no bin cu excusa cu e ta laat .mi a bisabo caba ,cuminsa prepara pa bo bai eherce bo profesion na september.

R.Kock
June 10, 2013
201.229.72.128
Votes: +1
...

@De'zgn'Waarheid: At least Andin Bikker ta consequent! N0 mane Juan David cu anja pasa a vota contra y pa 2013 cu e situacion a empeora e la vota na FABOR!
Tanto AVP a campaña pa transparencia y pa cumpli cu ley, nan ta haci y deshaci...9 luna laat? Come on!

De Waarheid
June 07, 2013
201.229.87.182
Votes: +0
...

Aamigo no worry sigi vota contra tur cos, pueblo lo corda bo na September.
Nos lo no lubida abo segur.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter