Thursday, 31 July 2014
Booshi Wever: Mocionnan pa promove bon gobernacion, no a haya respaldo di Parlamento Print E-mail
Friday, 07 June 2013 13:31
DSC_2063
Durante tratamento di un presupuesto a bira normal cu prome cu Parlamento vota riba e presupuesto mes, diferente mocion ta wordo presenta. E biaha aki esey atrobe tabata e caso, y di mi banda ami tambe a entrega un total di 8 mocion.

Intencion di cada un di e 8 mocionnan aki tabata pa contribui na bienestar di pais Aruba y su comunidad, pero na prome lugar na un bon gobernacion, e asina yama “Good Governance”. Esaki ta un caracteristica cu cualkier gobierno mester practica, pero cu sigur pa e gobierno actual NO ta parce di ta primordial! Y ta e “good governance” aki ta locual ta determina e bienestar y felicidad di nos comunidad y progreso di pais Aruba!
 
Despues cu dos di e mocionnan aki ya na 2012 increiblemente a wordo desaproba, mi tabatin un speranza cu e biaha aki sí Parlamento, sea den su mayoria, pero preferibelmente unanimamente, lo a aproba esakinan.
E prome mocion ta relaciona cu e deficit semper creciendo (2009: 3.6%, 2012: 8.5% di nos Producto Nacional Bruto),y cu mester a percura pa nos Constitucion dicta cu nos deficit presupuestario NO surpasa 3% di nos Producto Nacional Bruto. Mientras e condenado “protocol di Diahuebs Preto” SI ta regla e 3% aki, Parlamento ta desaproba pa e maximo aki wordo ancla den nos Constitucion!
Lamentabelmente un biaha mas AMBOS partido grandi (14 di AVP, 4 di MEP) a vota contra e mocion, mientras cu colega parlamentario Andin Bikker di PDR si a weita e necesidad pa ancla e maximo di 3% den nos Constitucion.
E otro mocion cu na 2012 tambe a wordo desaproba, tabata esun cu tabata encera cu desviamento di un proceso di destaho publico, mester sosode por medio di un “Landsbesluit”, na lugar di un decreto ministerial.
Aki tur e 14 parlamentarionan di AVP a vota contra, mientras cu 4 parlamentario di MEP y colega Andin Bikker di PDR atrobe a apoya e mocion.
 
Otro mocion cu tambe por proba “Good Governance” of no, tabata esun relaciona cu e “personeelstaat” cu un biaha mas NO a forma parti di e presupuesto, y riba cual Raad van Advies ya caba a atende gobierno, sin ningun resultado.
Aki tambe e fraccion completo di AVP (14) a vota contra, mientras cu MEP y sr. Andin Bikker un biaha mas a duna nan sosten na e mocion.
 
“Good Governance” tambe a hibami na entrega un mocion, di acuerdo cu cual lo a pidi Raad van Advies pa sugeri concretamente algun tipo di sancion ora art. V.12, lid 2 di nos Staatsregeling wordo viola; e articulo aki ta dicta cu presupuesto di pais Aruba di cualkier anja mester wordo entrega mas tarda dia 1 di september di e anja anterior. Raad van Advies repetidamente a critica e violacion aki y a pidi pa sanciona esaki!!
E mocion aki SI a haya sosten.
 
“Good Governance” ta encera tambe un presidencia indiscutibel di Parlamento. E maneho di presidente di Parlamento tabata den dos palabra deplorabel y condenabel, unda sr. Paul Croes NO tabata presidente imparcial di Parlamento, pero vocero y defensor di e 14 parlamentarionan di AVP, unda NO tabata conta e principio “Ley pa un, ley pa tur!”.
Esaki tabata motibo pa mi mocion pa desaproba e maneho cu presidente di Parlamento a hiba durante anjanan, cual mocion di mes a wordo rechasa cu 6 voto na fabor y 14 voto di AVP contra.
 
Desaprobacion di e mocionnan absolutamente NO ta muestra di “Good Governance”.
Ta obvio cu e gobierno aki y e 14 parlamentarionan di AVP NO tin “Good Governance”
como prioridad!
 
Cu entrega di e mocionnan aki nos (U.P.P.) kier a demonstra cu nos ta serio den nos afan pa nos pais wordo goberna na un manera drechi y cada un di e mocionnan entrega, ta puntonan concreto den nos Manifiesto Proyecto Patria. Poco poco pueblo lo conoce y ripara cu UPP ta e alternativa real den e proximo eleccion di september proximo.

Comentarionan (5)Add Comment
Marta
June 08, 2013
201.229.17.231
Votes: +2
...

tur hende ta parse di lubida e malversashon di 10 million na laboratorium cu twt na encargo sr booshi wever

De Waarheid
June 07, 2013
201.229.87.182
Votes: +4
...

Booshi abo nunca lo hanja respaldo di nun hende mas.
23 million ta damasiodo placa pa bai lubida,abo a costa nos tantisomo placa cu awor nos mester wak con a sania nos financias.
Bo sa macha bon quanto danio bo persona a hasi na e pueblo aki, nun hende kier tende di bo mas i ta berdad gis sali foi politica a laga otro hende atende cu berdaderamene ta capas.
Ba pega e gobierno cu yen debe a ainda bo tin e curachi di vota contra tur cos cu tbta bon pa pueblo.

... Low-rated comment [Show]
D
June 07, 2013
178.85.14.249
Votes: +5
...

Tanto Biaha Bo a sinta como minister, Bo ta grita cu Bo tin 30anja experiencia den politico pero ni RIBA un man Bo por conta ki tur Bo hasi pa Aruba, tuma so,kemen miho Bo retira, retira UPP y bai goza dibo tan "duro" traha penshon.

johan tromp
June 07, 2013
201.229.16.66
Votes: +8
...

Ora Booshi tawata Ministro, Booshi no a bin cu un proposishon manera esaki. Si e proposishon aki tawata existi, Booshi lo no a ni tribi di hasi loque cu ela hasi na dump, ni Booshi lo a tribi di firma un contract manera esun di HOTEL CENTRAL, well well het kan verkeren.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter