| SETAR a sorprende alumnonan di 1ste klas di Cacique Maquarima y Colegio Felipe B. Tromp cu e pelicula Madagascar 3D |
 |
 |
| Thursday, 07 June 2012 15:23 | ||||||||||||
 SETAR a sorprende alumnonan di 1ste klas di Cacique Maquarima y Colegio Felipe B. Tromp cu un regalo special. Un invitacion a bai pa presencia e premiere di e pelicula “Madagascar 3D” cu a tuma lugar diahuebs dia 7 di juni 2012 pa 10’or di mainta na Renaissance Cinemas.
Un par di dia prome SETAR a hinca nombernan di tur e scolnan basico di Aruba den un tombola y a saca nomber di 2 scol pa invitanan pa e premiere. A dicidi di invita e prome klasnan (1ste klassers). SETAR a palabra di antemano cu tanto e scol y e mayornan pa mantene e informacion di e premio gana como un sorpresa. Representantenan di e departamento di Mercadeo di SETAR a sorprende e klasnan ganador cu e bon noticia di e premio cu nan a gana. Un gran aplauso y un ambiente hopi festivo a reina den e klas na momento cu a anuncia nan premio. SETAR a percura pa transporte di tanto e studiantenan como e maestronan di e scolnan y nan a disfruta di e pelicula cu berdaderamente ta yen di aventura y efectonan special 3D. Tur e alumnonan a ricibi popcorn, refresco y na final un bril di solo como cortesia di SETAR.
|
Mustra/Kita e formulario di comentario
