| EnergiaVision Bonaire e canal nobo di Bonaire dialuna proximo riba cable di Aruba |
 |
 |
| Thursday, 09 August 2012 16:48 |
 EnergiaVision di Bonaire lo start Sali riba Canal 55 na Aruba via e servicio di SETAR Cable Services dialuna 13 di augustus proximo.
EnergiaVision ta un stacion di television den combinacion cu un stacion di radio na Bonaire cu ta nobo y cu ta cumpli cu tur e exigencianan tecnologico y moderno di awendia. EnergiaVision a bai den aire oficialmente den luna di mei 2012 cu programacion local na Bonaire riba canal 2 riba cable di TELBO MiTv. EnergiaVision tin e ambicion pa brinda su programacion pa e region di Caribe Hulandes completo. E ta cuminsa cu su canal na Aruba (canal 55) y Corsow (canal 22) y tin intencion pa bai St. Maarten y e otro islanan den BES y te hasta Hulanda den un futuro sercano. Dialuna proximo dia 13 di augustus 2012 e canal lo cuminsa den aire na Aruba. E programacion ta ensera entre otro un talkshow den oranan di mainta, noticia, programanan cultural, programanan di naturalesa, entretenimento, programanan pa mucha, deporte, educacion y tambe lifestyle. EnergiaVision lo varia e programacion pa motiva e desaroyo general, reta e hubentud pa excelencia y lo boga tambe pa intercambio di informacion. Lo tin 2 seccion di noticia pa dia, cu segmentonan social, programa di opinion y un show di cushinamento. EnergiaVision lo transmiti actividadnan “live” tambe. Pues Aruba en general ta keda invita pa join EnergiaVision dialuna pa 6or di atardi riba canal 55 pa asina trece e islanan mas serca di otro y alabes tene e Bonerianonan biba na Aruba y e Arubianonan cu desendencia Boneriano al tanto di tur loke ta sosode riba e dushi isla di Bonaire.
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
