Monday, 01 September 2014
Studiantenan hopi entusiasma ta participa na e campaña di recyclahe di Carchinan Prepaid usa Print E-mail
Tuesday, 13 November 2012 10:04
DSC_2063
SETAR y Fundacion Gabriel Flores a inicia e campaña di recyclahe pa tur e schoolnan basico di Aruba, caminda cu henter e school tanto alumnonan, docentenan y mayornan lo ta colectando e carchinan di telefon prepaga usa caba.

Pa cada 10 ticket, entrega e studiante of docente ta ricibi un Carchi pa yena nomber ariba y esaki ta bai den un tómbola pa participa na un rifa grandi cu lo saca cada 2 luna na e diferente schoolnan na unda por gana premionan hopi atractivo di SETAR.

Despues di e campaña di colecta carchinan usa, ta bai tin un competencia di obranan traha di e carchinan recicla entre tur e schoolnan básico di Aruba na unda nan por gana premionan den forma di proyectonan cu e schoolnan ganador. E premionan ta den forma di financiamento di un proyecto special y ta bai directamente pa e school ganador. No ta únicamente e schoolnan ta gana cu e proyecto aki pero e studiantennan tambe lo gana premio cu e acción aki.

Con pa Participa? Tur scol básico di Aruba por registra cerca Sra.Dalila Boye di Fundacion Gabriel Flores cu ta e persona cu  ta encarga den nomber di e Fundación Gabriel Flores pa coordina e conteo y colección di Carchinan di Telefon Prepaga usa.  Por registra via telefon 5668115 of via suzy.maduro@setar.aw of Fundashongabrielflores@hotmail.com"

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter