Thursday, 31 July 2014
E concierto “live” di The Rolling Stones “One More Shot” riba Cable Print E-mail
Thursday, 06 December 2012 11:57

rollingStones
The Rolling Stones, un banda Ingles di rock hopi conoci mundialmente, a forma na Dartford Inglatera na 1962. Nan a crece di biaha na Europa y eventualmente a bira hopi grandi tambe na Merca y mundo henter. Cu hitnan conoci manera “Satisfaction”, “Angie”, “Gimme Shelter” y “Paint It Black” nan a gana curazon di hopi fanatico.

 

Awe, despues di 50 aña di existencia nan a organiza nan tour, yama “One More Shot”, pa asina celebra nan carera di 5 decada. Despues di algun concierto cu nan a tene na London, dia 15 di december próximo nan ta bai ta na Prudential Center na Neward, New Jersey pa presenta nan concierto yama “One More Shot” na unda ta spera miles di hende cu lo tey pa rebiba tur e canticanan desde añanan 60 te cu awor.

 

Fanaticonan di The Rolling Stones, esunnan cu a sigui tur nan carera durante e añanan, awor por participa pa gana diferente premio di e banda The Rolling Stones, entre otro un T-Shirt di The Rolling Stones. Pa participa mester bay riba e pagina di web di SETAR, www.setar.aw, click riba e slider di The Rolling Stones y sigui e pasonan pa contesta e diferente preguntanan cu tin. SETAR ta anuncia e ganadornan dia 14 di december 2012.

 

Ademas di esaki, SETAR Cable Services ta trece e concierto “One More Shot” den forma di Pay-Per-View (PPV) na canal 112 “live” pa e clientenan por sinta den e “front row seat” di nan propio cas y goza di e concierto. Aunke e evento ta cuminsa pa 10’or di anochi, ya for di merdia por wak e propaganda di e evento. Y un ora promer cu e evento, tin un programa pa wak patras di escenario (behind the scenes) di e concierto. E concierto ta programa pa dura 4 ora largo.

 

Pa por disfruta y goza di e concierto único aki por aplica na cualkier Teleshop di SETAR, na SETAR Store of yama 525-1700. Pa mas informacion por bishita www.setar.aw

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter