| Hopi cliente di Ventaha a probecha di exitoso promocion y a ricibi nan premionan! |
 |
 |
| Thursday, 06 December 2012 16:48 |
|
Diadomingo dia 2 di december hopi cliente di Ventaha a acudi na Centro di Bario Tanki Leendert entre 10’or di mainta pa 1’or di merdia na unda nan por a goza di un actividad special di Ventaha y a cambia nan carchinan usa di Ventaha pa premio. Manera ta conoci Ventaha a start un promocion special cu a resulta uno hopi exitoso. E campaña di e Carchi di Ventaha a duna e clientenan chance pa gana premio como tambe oportunidad pa cambia nan carchinan di Ventaha usa pa articulonan special y premio. Pa cada 10 carchi di Ventaha cu e diseño mas nobo cu e cliente colecta, e por a cambianan pa articulonan di Ventaha manera jug, “bbq set” y tasnan masha bunita. Clientenan fiel di Ventaha a spaar tur nan carchinan y a ricibi nan premionan durante e actividad special di Ventaha. Ventaha a brinda e dia aki un actividad cu hopi diversion pa henter famia cu un bar y cushina bon surti y entretenimento pa e muchanan. Grupo di Gaita Maruba a deleita tur esnan presente. Ventaha kier a gradici tur clientenan cu a participa y ta desea tur un Bon Pasco y Prospero Aña Nobo. |
Mustra/Kita e formulario di comentario
