| Lotto di dia awe cu 150 mil florin na premio |
 |
 |
| Wednesday, 27 June 2012 18:01 |
 “Awe ta e dia cu e premio aki ta bay”, asina Patrick Fortin, gerente di mercadeo di Fundacion Lotto pa Deporte a bisa ayera. Ta trata aki di e Lotto di Dia cu ta cuminsa cu un jackpot Afl. 50.000 pero cu a crece y awor a alcansa e bunita suma di Afl. 150.000. Cu solamente 2 florin pa ticket, e clientenan mester tin 5 number bon pa bay cu e premio maximo. “Pero awe e no por keda aden mas, dus awe e premio mester bay”, asina Patrick Fortin a splica. Pues, si ningun hende logra tin e 5 numbernan ganado, lo bay over na esun cu tin 4 number bon y eventualmente 3 number bon, contal cu e premio lo bay awe diahuebs sin falta!“E ta un situacion unico, pues cu ta cumbini nos cumpradonan pa participa den e sorteo di awe nochi 9or via Telearuba, pasobra lo tin un ganado sigur”, di acuerdo cu Patrick Fortin, kende a finalisa deseando tur cumprado hopi suerte awe nochi den e sorteo di Lotto di Dia. Lotto, e loteria di Aruba cu su weganan popular Lotto 5, Lotto di Dia, Mini Mega, Zodiac, Big 4 y Catochi 4, awo tin mas opcion pa hunga y gana premio y regalo cu Wega di Number Korsou tambe. Fundacion Lotto pa Deporte ta existi desde 3 di december 1982 y recientemente cu nan imagen nobo nan ta cla pa sigui crece y cambia bida di su ganadonan.
|
Mustra/Kita e formulario di comentario
