| Controla bo ticket di Lotto 5: Ganado di lotto 5 ainda no a reclama su premio |
 |
 |
| Thursday, 13 December 2012 21:15 | |||
|
Lotto, e loteria di Aruba, ta sigui haci su clientenan feliz y desde diasabra 8 di december ultimo, un persona a logra combina e numbernan perfecto di e wega di Lotto 5. E ganado cu ainda no a bin reclama su premio,a cumpra e ticket na Jes Lottery, banda di Wema na Santa Cruz. E numbernan ganado ta: 13-21-23-24-26, cu Joker: 31 y Free Letter: G. E ganado a gana e suma di 150 mil florin y te ainda no a pasa reclama su premio na oficina principal nobo di situa na Paardenbaaistraat 10. Lotto ta corda e ganado cu e tin 90 dia pa reclama su premio y esaki ta conta pa tur otro ganado y ta desea pa haci e ganado aki super contento, prome cu fin di aña y asina e pasa un dushi temporada, haciendo su soñonan bira realidad cu Lotto. Lotto, e loteria di Aruba ta invita publico general pa bishita e website www.lottoaruba.com y su pagina di Facebook pa tur informacion encuanto weganan y tambe pa controla e numbernan di suerte riba bo ticket di bo wega di Lotto preferi. No lubida di sintonisa sorteonan di Lotto tur merdia y di dialuna pa diasabra anochi pa 9'or na TeleAruba, Canal 13. Lotto, e loteria di Aruba cu 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou, Tic Tac Toe y awor te cu 24 di december e campaña di 12 dia di Pasco cu lo regala hopi regalo special pa fin di aña. Di manera aki tambe cordando un y tur pa sigui purba nan suerte cu cualkier di e 8 weganan aki na cualkier rebendedo di nan preferencia. Alabes cumprando Lotto bo ta contribui tambe na deporte riba nos isla.
|
Mustra/Kita e formulario di comentario
